Pankaj Jagtap :‘पालक सेवा हीच खरी पूजा’ – सेवाभावी पंकज जगताप यांचा कलावंतांच्या हस्ते गौरव

Pankaj Jagtap : आई-वडिलांची निष्ठेने सेवा करत समाजकार्यातही सातत्याने योगदान देणारे सेवाभावी व्यक्तिमत्त्व म्हणून ओळख असलेले पंकज जगताप (ग्रामपंचायत अधिकारी, कृषी विभाग, अकोला) यांचा वाढदिवस अकोला जिल्हा कलावंत संघाच्या वतीने अशोक वाटिका, अकोला येथे उत्साहपूर्ण आणि प्रेरणादायी वातावरणात साजरा करण्यात आला.

समाजसेवा, पालकभक्ती आणि साधेपणाची ओळख; पंकज जगताप यांच्या वाढदिवसानिमित्त प्रेरणादायी सत्कार

आगाखान पठाण
अकोला : आई-वडिलांची निष्ठेने सेवा करत समाजकार्यातही सातत्याने योगदान देणारे सेवाभावी व्यक्तिमत्त्व म्हणून ओळख असलेले पंकज जगताप (ग्रामपंचायत अधिकारी, कृषी विभाग, अकोला) यांचा वाढदिवस अकोला जिल्हा कलावंत संघाच्या वतीने अशोक वाटिका, अकोला येथे उत्साहपूर्ण आणि प्रेरणादायी वातावरणात साजरा करण्यात आला.

वाडेगाव परिसरात गॅस सिलेंडरचा तुटवडा; महिलांची मोठी कुचंबना

कार्यक्रमाच्या अध्यक्षस्थानी प्रा. सुरेश मोरे होते. यावेळी महाराष्ट्र शासन कलावंत समितीचे अध्यक्ष ह.भ.प. विठ्ठलराव महाराज खापरकर, ह.भ.प. श्रीधर महाराज आणि ह.भ.प. गुरुदास गावंडे महाराज यांच्या हस्ते शाल, श्रीफळ, पुष्पहार आणि पुष्पगुच्छ देऊन पंकज जगताप यांचा सत्कार करण्यात आला. जिल्ह्यातील विविध कलावंतांच्या उपस्थितीत हा कार्यक्रम उत्साहात पार पडला.
या प्रसंगी मान्यवरांनी बोलताना सांगितले की, पंकज जगताप हे सामाजिक बांधिलकी जपत सर्वसामान्यांच्या मदतीसाठी नेहमी तत्पर असतात. पालकांची सेवा, समाजकार्य आणि धार्मिक कार्यात सक्रिय सहभाग यामुळे ते अनेकांसाठी प्रेरणादायी ठरले आहेत. “आई-वडिलांची सेवा हीच खरी देवपूजा आहे,” या भावनेतून त्यांनी आयुष्य जगत समाजात एक सकारात्मक संदेश दिला असल्याचेही मान्यवरांनी नमूद केले.
कार्यक्रमाचे उद्घाटन अमोल कलोरे (उपाध्यक्ष, वंचित बहुजन आघाडी) यांच्या हस्ते झाले. यावेळी संजय गवळी (पंचायत समिती अकोला), समाजसेवक मनोहर बनसोड, विस्तार अधिकारी उल्हास मोकळकर तसेच महाराष्ट्राचे प्रसिद्ध कव्वाल गायक लुकमान शाह यांची प्रमुख उपस्थिती होती. कार्यक्रमाचे आयोजन मिलिंद बनसोड आणि जिल्ह्यातील कलावंत मंडळींनी केले होते.पंकज जगताप हे आपल्या वृद्ध आई-वडिलांची अत्यंत आदराने व प्रेमाने सेवा करीत होते. त्यांचे वडील शालिग्राम बाबूचा जगताप (वय ९०) आणि आई लिलाबाई शालिग्राम जगताप (वय ८०) हे शिवणी येथे वास्तव्यास होते. त्यांच्या सेवेसाठी पंकज जगताप आणि त्यांच्या पत्नी संजीवनी जगताप सातत्याने प्रयत्नशील होत्या.आज दोन्ही हयात नाहीत. मात्र पंकज जगताप व त्यांच्या पत्नीने त्यांची केलेली सेवा आजही परिसरात चर्चेचा विषय आहे. सुरूवातीला आई लिलाबाइ त्यानंतर पंकज जगताप यांच्या वडीलांचे निधन झाले. त्यानंतर आई वडीलांच्या आशिर्वादाने पंकज जगताप यांनी समाजसेवेचा वसा सुरूच ठेवला आहे. सध्या त्यांच्या कुटुंबात भाऊ मुकुंद जगताप तसेच बहिणी अंतकला गवई, जीवनकला रूपनारायण, सुवर्णकला बागडे आणि रत्नकला सदार असा मोठा परिवार आहे.

पालकभक्ती, समाजसेवा आणि साधेपणातून सकारात्मक मूल्ये जपणारे पंकज जगताप यांचे कार्य समाजासाठी प्रेरणादायी ठरत असल्याची भावना यावेळी उपस्थितांनी व्यक्त केली.