Suresh Devkar : शिक्षण क्षेत्रातील प्रश्न सोडविण्यासाठी सुरेश देवकर यांचे दमदार नेतृत्व!

Suresh Devkar :  शिक्षण क्षेत्रातील विविध प्रश्न आणि समस्या प्रभावीपणे सोडविण्यासाठी सक्षम, अभ्यासू आणि दमदार नेतृत्वाची आवश्यकता आहे. अमरावती विभाग शिक्षक मतदारसंघाचे उमेदवार सुरेश देवकर हे शिक्षण क्षेत्रातील प्रश्नांना न्याय देणारे दमदार नेतृत्व असून, शिक्षकांच्या समस्या योग्य व्यासपीठावर मांडण्यासाठी त्यांचे प्रतिनिधित्व महत्त्वाचे ठरेल, असे प्रतिपादन सौरभ खेडेकर यांनी केले.

 शिक्षकांच्या समस्यांना विधान परिषदेत वाचा फोडण्यासाठी देवकरांना विजयी करा; सौरभ खेडेकर यांचे आवाहन

अकोला : शिक्षण क्षेत्रातील विविध प्रश्न आणि समस्या प्रभावीपणे सोडविण्यासाठी सक्षम, अभ्यासू आणि दमदार नेतृत्वाची आवश्यकता आहे. अमरावती विभाग शिक्षक मतदारसंघाचे उमेदवार सुरेश देवकर हे शिक्षण क्षेत्रातील प्रश्नांना न्याय देणारे दमदार नेतृत्व असून, शिक्षकांच्या समस्या योग्य व्यासपीठावर मांडण्यासाठी त्यांचे प्रतिनिधित्व महत्त्वाचे ठरेल, असे प्रतिपादन सौरभ खेडेकर यांनी केले.

सुरेश देवकर यांच्या प्रचारार्थ शुक्रवार, १६ ऑक्टोबर रोजी अकोल्यातील ज्योती जानोरकर विद्यालयात आयोजित बैठकीत ते बोलत होते. सौरभ खेडेकर यांच्या नेतृत्वाखाली झालेल्या या प्रचारसभेत शिक्षक मतदारांशी संवाद साधून शिक्षण क्षेत्रातील विविध प्रश्न, समस्या आणि त्यावरील उपाययोजनांबाबत चर्चा करण्यात आली.

शिक्षण हे देशाच्या प्रगतीचे आणि युवकांच्या उज्ज्वल भवितव्याचे महत्त्वपूर्ण माध्यम आहे. त्यामुळे शिक्षण क्षेत्रातील अडचणी सोडविण्यासाठी शिक्षकांच्या प्रश्नांची जाण असलेला आणि त्यांच्या समस्या प्रभावीपणे मांडणारा प्रतिनिधी विधान परिषदेत जाणे आवश्यक आहे, असे मत यावेळी व्यक्त करण्यात आले. शिक्षकांचे प्रश्न, शैक्षणिक व्यवस्थेतील अडचणी आणि शिक्षण क्षेत्राच्या विकासासाठी सक्षम नेतृत्वाची भूमिका महत्त्वाची असल्याचेही यावेळी अधोरेखित करण्यात आले.

या प्रचारसभेला उपस्थित शिक्षक मतदारांनी सकारात्मक प्रतिसाद दिला. सुरेश देवकर यांना निवडून आणण्यासाठी एकजुटीने प्रयत्न करण्याचा निर्धार उपस्थितांनी व्यक्त केला. त्यामुळे अकोल्यातील या प्रचारसभेतून देवकर यांच्या उमेदवारीला पाठिंबा देण्याचे आवाहन करण्यात आले.

सुरेश देवकर यांच्या सामाजिक कार्यावर प्रकाश

यावेळी सुभाष कोल्हे यांनी आपल्या मनोगतातून सुरेश देवकर यांच्या जीवनकार्याचा आणि सामाजिक कार्याचा आढावा घेतला. समाजातील विविध घटकांसाठी त्यांनी केलेले कार्य, सामाजिक प्रश्नांबाबत घेतलेली भूमिका आणि सर्वसामान्यांच्या समस्या सोडविण्यासाठी दिलेले योगदान यावर त्यांनी प्रकाश टाकला. शिक्षण क्षेत्रासह सामाजिक क्षेत्रातही सकारात्मक बदल घडवून आणण्यासाठी सक्षम नेतृत्वाची आवश्यकता असल्याचे त्यांनी नमूद केले.

शिक्षकांच्या समस्यांच्या निराकरणासाठी योग्य प्रतिनिधित्व गरजेचे : प्राचार्य प्रशांत जानोळकर

संस्था सचिव प्राचार्य प्रशांत जानोळकर यांनीही यावेळी आपले विचार मांडले. देश सध्या शिक्षण क्षेत्रातील विविध समस्यांना सामोरा जात असून, या समस्यांचे निराकरण करण्यासाठी शिक्षकांनी योग्य व्यक्तीची विधान परिषदेत निवड करणे गरजेचे आहे, असे प्रतिपादन त्यांनी केले. शिक्षकांचे प्रश्न आणि शिक्षण क्षेत्रातील अडचणी सोडविण्यासाठी सक्षम प्रतिनिधी निवडण्याचे आवाहनही त्यांनी केले.

या बैठकीला संस्था सचिव प्राचार्य प्रशांत जानोळकर, सुभाष कोल्हे, मराठा सेवा संघाचे जिल्हाध्यक्ष रविंद्र चेके, नगर परिषद/महानगरपालिका शिक्षक संघाचे राज्य संघटक शे. अनवर आणि संभाजी ब्रिगेडचे ऋषभ काळे उपस्थित होते.

सभेचे संचालन गजानन काळे यांनी केले, तर दीपक गायकवाड यांनी उपस्थितांचे आभार मानले. शिक्षक मतदारांशी थेट संवाद साधत सुरेश देवकर यांच्या प्रचाराला बळ देण्याचा प्रयत्न या बैठकीच्या माध्यमातून करण्यात आला.