Rajalakshmi School :शैक्षणिक क्षेत्रात उल्लेखनीय यश संपादन करत राजलक्ष्मी इंटरनॅशनल स्कूलच्या इयत्ता पहिली (बी) मधील विद्यार्थी तैमूर रफिक सैय्यद याने ‘सायन्स ऑलिम्पियाड फाउंडेशन’ (SOF) आयोजित आंतरराष्ट्रीय ऑलिम्पियाड परीक्षेत उल्लेखनीय कामगिरी केली आहे. या यशामुळे शाळा व परिसरात आनंदाचे वातावरण निर्माण झाले आहे.
देऊळगाव राजा : शैक्षणिक क्षेत्रात उल्लेखनीय यश संपादन करत राजलक्ष्मी इंटरनॅशनल स्कूलच्या इयत्ता पहिली (बी) मधील विद्यार्थी तैमूर रफिक सैय्यद याने ‘सायन्स ऑलिम्पियाड फाउंडेशन’ (SOF) आयोजित आंतरराष्ट्रीय ऑलिम्पियाड परीक्षेत उल्लेखनीय कामगिरी केली आहे. या यशामुळे शाळा व परिसरात आनंदाचे वातावरण निर्माण झाले आहे.
अतिशय लहान वयात स्पर्धा परीक्षेत सहभाग घेत तैमूरने आपली बौद्धिक क्षमता, तर्कशक्ती आणि अभ्यासू वृत्ती सिद्ध केली आहे. त्याच्या या कामगिरीबद्दल त्याला सन्मानपत्र प्रदान करण्यात आले असून, सर्व स्तरांतून त्याचे कौतुक होत आहे.
ऑलिम्पियाड परीक्षा ही विद्यार्थ्यांच्या विश्लेषण क्षमता, तार्किक विचारसरणी आणि बौद्धिक विकासाला चालना देणारी मानली जाते. अशा स्पर्धांमुळे विद्यार्थ्यांमध्ये स्पर्धात्मकता वाढून अभ्यासाबद्दलची आवड अधिक दृढ होते.
तैमूरच्या या यशाबद्दल शाळेचे मुख्याध्यापक व शिक्षकांनी त्याचे अभिनंदन करत, “विद्यार्थ्यांनी लहान वयातच अशा स्पर्धांमध्ये सहभागी झाल्यास त्यांच्या सर्वांगीण विकासाला मोठी चालना मिळते,” असे मत व्यक्त केले.
तसेच, तैमूरच्या पालकांनीही आनंद व्यक्त करत शाळेच्या मार्गदर्शनाचे कौतुक केले. भविष्यातही तो याचप्रमाणे प्रगती करत राहील, असा विश्वास त्यांनी व्यक्त केला. दरम्यान, शाळेचे संस्थापक अध्यक्ष डॉ. रामप्रसाद शेळके यांनी तैमूरसह सर्व विद्यार्थ्यांचे अभिनंदन करत भविष्यात अधिकाधिक विद्यार्थ्यांनी अशा स्पर्धांमध्ये यश मिळवावे, अशी अपेक्षा व्यक्त केली.
