Fatal two-wheeler accident : तालुक्यातील कातखेड ते विझोरा मार्गावर दुचाकीचा भीषण अपघात झाल्याची घटना ६ मार्च रोजी घडली. या अपघातात दुचाकी चालक गंभीर जखमी झाला असून काही काळ तो रस्त्यावरच पडलेल्या अवस्थेत असल्याने परिसरात एकच खळबळ उडाली.
बबन इंगळे
बार्शीटाकळी : तालुक्यातील कातखेड ते विझोरा मार्गावर दुचाकीचा भीषण अपघात झाल्याची घटना ६ मार्च रोजी घडली. या अपघातात दुचाकी चालक गंभीर जखमी झाला असून काही काळ तो रस्त्यावरच पडलेल्या अवस्थेत असल्याने परिसरात एकच खळबळ उडाली.
महसूल सेवांचा लाभ गावागावात : बार्शीटाकळीत महाराजस्व शिबिरांना प्रारंभ
मिळालेल्या प्राथमिक माहितीनुसार, जखमी दुचाकीस्वाराची ओळख रणजीत चक्रे (रा. बाभुळगाव) अशी झाली आहे. अपघात इतका तीव्र होता की, दुचाकीस्वाराला गंभीर दुखापत झाली. घटनेनंतर काही काळ तो रस्त्यावरच पडलेला असल्याचे स्थानिक नागरिकांनी सांगितले.
घटनेची माहिती मिळताच बार्शिटाकळी पोलीस स्टेशन येथील पोलीस तत्काळ घटनास्थळी दाखल झाले. पोलिसांनी परिस्थितीचा आढावा घेत जखमी व्यक्तीला तातडीने मदत उपलब्ध करून दिली. त्याच्यावर प्राथमिक उपचार करण्यात आले असून पुढील उपचारासाठी जवळच्या रुग्णालयात हलविण्याची तयारी करण्यात आली.
अपघातानंतर स्थानिक नागरिकांनीही घटनास्थळी धाव घेत जखमीला मदत करण्याचा प्रयत्न केला. या घटनेमुळे परिसरात काही काळ तणावाचे वातावरण निर्माण झाले होते. कातखेड–विझोरा मार्गावरून जाणारी वाहतूक काही वेळ विस्कळीत झाली होती.
दरम्यान, हा अपघात नेमका कसा घडला याबाबत अद्याप स्पष्ट माहिती समोर आलेली नाही. पोलिसांनी घटनास्थळाचा पंचनामा केला असून अपघाताचे नेमके कारण शोधण्याचे काम सुरू आहे. पुढील तपास बार्शिटाकळी पोलीस करत आहेत. या घटनेमुळे संबंधित मार्गावरील सुरक्षिततेबाबत प्रश्नचिन्ह उपस्थित झाले असून वाहनचालकांनी सावधगिरी बाळगावी, असे आवाहन स्थानिक नागरिकांकडून करण्यात येत आहे.
