Electricity:  मन नदी व विहिरींवरील मोटारपंपांचे वीज कनेक्शन कट! तुलंगा ग्रामपंचायतीची जलसंकट टाळण्यासाठी धडक कारवाई

Electricity: उन्हाळ्यात तसेच पाणीटंचाईच्या काळात गावातील नागरिकांना पिण्याच्या पाण्याची टंचाई भासू नये आणि पाणीपुरवठा सुरळीत राहावा, यासाठी तुलंगा बुद्रुक व तुलंगा खुर्द येथील ग्रामपंचायतींनी पुढाकार घेतला आहे. अकोला जिल्हाधिकारी वर्षा मीना यांच्या आदेशानुसार मन नदीपात्रातून तसेच नदीपात्रालगत असलेल्या विहिरींमधून शेतीसाठी अवैधरित्या पाणीउपसा करणाऱ्या मोटारपंपांवर कारवाई करण्यात आली. महावितरण विभागाच्या सहकार्याने संबंधित मोटारपंपांना वीजपुरवठा करणाऱ्या खांबांवरील वीजजोडण्या खंडित करण्यात आल्या.

  गावाच्या पिण्याच्या पाण्यासाठी प्रशासनाचा पुढाकार; शेतीसाठी होणाऱ्या अवैध पाणीउपशाला आळा

राहुल सोनोने

दिग्रस बू. : उन्हाळ्यात तसेच पाणीटंचाईच्या काळात गावातील नागरिकांना पिण्याच्या पाण्याची टंचाई भासू नये आणि पाणीपुरवठा सुरळीत राहावा, यासाठी तुलंगा बुद्रुक व तुलंगा खुर्द येथील ग्रामपंचायतींनी पुढाकार घेतला आहे. अकोला जिल्हाधिकारी वर्षा मीना यांच्या आदेशानुसार मन नदीपात्रातून तसेच नदीपात्रालगत असलेल्या विहिरींमधून शेतीसाठी अवैधरित्या पाणीउपसा करणाऱ्या मोटारपंपांवर कारवाई करण्यात आली. महावितरण विभागाच्या सहकार्याने संबंधित मोटारपंपांना वीजपुरवठा करणाऱ्या खांबांवरील वीजजोडण्या खंडित करण्यात आल्या.

तुलंगा बुद्रुक व तुलंगा खुर्द या गावांतील नागरिकांना पिण्याच्या पाण्याची उपलब्धता सुरळीतपणे व्हावी, तसेच उपलब्ध पाणीसाठ्याचा योग्य वापर व्हावा, हा या कारवाईमागील मुख्य उद्देश आहे. मन नदीपात्रातून आणि नदीपात्रालगतच्या विहिरींमधून वैयक्तिक शेतीसाठी मोठ्या प्रमाणात पाणीउपसा झाल्यास गावाच्या पाणीपुरवठ्यावर परिणाम होण्याची शक्यता असते. त्यामुळे संभाव्य जलसंकट टाळण्यासाठी प्रशासनाच्या आदेशानुसार ही कार्यवाही करण्यात आली.

या कारवाईसाठी तुलंगा बुद्रुकच्या ग्रामपंचायत अधिकारी स्नेहल गवई, तुलंगा खुर्दचे सरपंच किशोर सरकटे, ग्रामपंचायत अधिकारी इंगळे मॅडम, तुलंगा बुद्रुकचे माजी उपसरपंच श्रीकृष्ण हातोले, माजी पोलीस पाटील अशोक तायडे, तंटामुक्ती समितीचे अध्यक्ष जितेंद्र हातोले, सामाजिक कार्यकर्ते अभियंता सतीश देवराव हातोले, पाणीपुरवठा कर्मचारी गजानन कचाले, संतोष पाटील कचाले, प्रकाश रोकडे, शुद्धोधन हातोले, अनिल हातोले व सचिन तायडे यांनी सहकार्य केले.

महावितरण विभागाचे लाइनमन विक्की उपर्वट, उंबरकर यांच्यासह इतर कर्मचारी व ग्रामस्थांनीही या मोहिमेत सहभाग घेतला.

गावातील पाणीपुरवठा सुरळीत ठेवण्यासाठी आणि पाण्याचा अनावश्यक वापर रोखण्यासाठी करण्यात आलेल्या या कारवाईचे ग्रामस्थांकडून स्वागत होत आहे. पिण्याच्या पाण्याला प्राधान्य देऊन उपलब्ध जलसाठ्याचे योग्य नियोजन करणे आवश्यक असल्याचे मतही यानिमित्ताने व्यक्त होत आहे.