Cargo Pickup Crashes :राष्ट्रीय महामार्गावर दाळंबी नजीक मालवाहू पिकअप गाडी दुभाजकावर धडकून पलटी झाल्याची घटना सोमवारी (२३ मार्च) दुपारच्या सुमारास घडली. या अपघातात चालक व वाहक जखमी झाले असून त्यांना तातडीने उपचारासाठी रुग्णालयात दाखल करण्यात आले आहे.
राष्ट्रीय महामार्गावर भीषण अपघात; नियंत्रण सुटल्याने गाडी उलटली
संजय तायडे
बोरगाव मंजू : राष्ट्रीय महामार्गावर दाळंबी नजीक मालवाहू पिकअप गाडी दुभाजकावर धडकून पलटी झाल्याची घटना सोमवारी (२३ मार्च) दुपारच्या सुमारास घडली. या अपघातात चालक व वाहक जखमी झाले असून त्यांना तातडीने उपचारासाठी रुग्णालयात दाखल करण्यात आले आहे.
मिळालेल्या माहितीनुसार, मुर्तिजापूरहून बोरगाव मंजूकडे जाणारी मालवाहू पिकअप (क्र. MH 27 DT 0660) ही गाडी जात होती. दरम्यान, अचानक चालकाचे वाहनावरील नियंत्रण सुटल्याने गाडी रस्त्याच्या दुभाजकावर धडकली. धडकेनंतर गाडी विरुद्ध दिशेच्या मार्गावर पलटी झाली.
या अपघातात चालक व वाहक जखमी झाले. घटनेची माहिती मिळताच वीर भगतसिंग पथकाचे सदस्य तात्काळ घटनास्थळी दाखल झाले व जखमींना मुर्तिजापूर येथील शासकीय रुग्णालयात उपचारासाठी हलविण्यात आले. दरम्यान, अपघाताचे नेमके कारण अद्याप स्पष्ट झाले नसून, याबाबत पुढील तपास सुरू आहे.
