Balapur residents :रहमतच्या पावसासाठी बाळापूरकरांची सामूहिक प्रार्थना; गुरुवारी सकाळी १० वाजता विशेष नमाज

Balapur residents : शहर व परिसरात पावसाचे प्रमाण कमी असल्याच्या पार्श्वभूमीवर पर्जन्यवृष्टीसाठी अल्लाहकडे प्रार्थना करण्याच्या उद्देशाने मदरसा जामे-उल-उलूम, पिला नाला, खामगाव रोड, बाळापूर येथे नमाज-ए-इस्तिस्काचे आयोजन करण्यात आले आहे. गुरुवार, दि. १० सप्टेंबर २०२६ रोजी सकाळी १० वाजता ही विशेष नमाज अदा करण्यात येणार आहे.

 पर्जन्यवृष्टीसाठी अल्लाहकडे सामूहिक दुआ; मदरसा जामे-उल-उलूममध्ये नमाज-ए-इस्तिस्काचे आयोजन

बाळापूर : शहर व परिसरात पावसाचे प्रमाण कमी असल्याच्या पार्श्वभूमीवर पर्जन्यवृष्टीसाठी अल्लाहकडे प्रार्थना करण्याच्या उद्देशाने मदरसा जामे-उल-उलूम, पिला नाला, खामगाव रोड, बाळापूर येथे नमाज-ए-इस्तिस्काचे आयोजन करण्यात आले आहे. गुरुवार, दि. १० सप्टेंबर २०२६ रोजी सकाळी १० वाजता ही विशेष नमाज अदा करण्यात येणार आहे.

मदरसा प्रशासनाने दिलेल्या माहितीनुसार, मौलाना रियाजुद्दीन आणि मुफ्ती मोहम्मद हनीफ कासमी यांच्या मार्गदर्शनाखाली यावेळी इमामत, खुतबा तसेच विशेष दुआ करण्यात येणार आहे. पर्जन्यवृष्टी होऊन सर्वत्र रहमतचा पाऊस बरसावा, यासाठी सामूहिक प्रार्थना केली जाणार आहे.

सामूहिक प्रार्थनेत सहभागी होण्याचे आवाहन

या विशेष नमाजमध्ये बाळापूर शहर व परिसरातील नागरिकांनी मोठ्या संख्येने सहभागी व्हावे, असे आवाहन मदरसा जामे-उल-उलूमचे अध्यक्ष मुफ्ती मोहम्मद असलम कासमी यांनी केले आहे. पावसासाठी करण्यात येणाऱ्या या सामूहिक प्रार्थनेच्या माध्यमातून धार्मिक श्रद्धा, एकोपा आणि सामाजिक एकतेचा संदेश दिला जाणार आहे.

शहर व परिसरातील नागरिकांनी वेळेत उपस्थित राहून नमाज-ए-इस्तिस्कामध्ये सहभागी व्हावे, असे आवाहन मदरसा प्रशासनाच्या वतीने करण्यात आले आहे.

स्थळ : मदरसा जामे-उल-उलूम, पिला नाला, खामगाव रोड, बाळापूर

वेळ : गुरुवार, दि. १० सप्टेंबर २०२६, सकाळी १० वाजता