dominates wrestling : वसंतराव नाईक विज्ञान कनिष्ठ महाविद्यालयाचा कुस्ती स्पर्धेत दबदबा; तीन विद्यार्थ्यांची जिल्हास्तरावर निवड

dominates wrestling : शिक्षणाबरोबरच क्रीडा क्षेत्रातही उल्लेखनीय कामगिरी करणाऱ्या पातूर येथील वसंतराव नाईक विज्ञान कनिष्ठ महाविद्यालयाने कुस्ती स्पर्धेत आपला दबदबा कायम राखला आहे. नुकत्याच पार पडलेल्या तालुकास्तरीय शालेय कुस्ती स्पर्धेत महाविद्यालयाच्या तीन विद्यार्थ्यांनी आपल्या वयोगटात प्रथम क्रमांक पटकावत जिल्हास्तरीय स्पर्धेसाठी आपली निवड निश्चित केली.

 तालुकास्तरीय कुस्ती स्पर्धेत वसंतराव नाईक महाविद्यालयाची बाजी; तिन्ही कुस्तीपटूंना प्रथम क्रमांक

निशांत गवई

पातूर : शिक्षणाबरोबरच क्रीडा क्षेत्रातही उल्लेखनीय कामगिरी करणाऱ्या पातूर येथील वसंतराव नाईक विज्ञान कनिष्ठ महाविद्यालयाने कुस्ती स्पर्धेत आपला दबदबा कायम राखला आहे. नुकत्याच पार पडलेल्या तालुकास्तरीय शालेय कुस्ती स्पर्धेत महाविद्यालयाच्या तीन विद्यार्थ्यांनी आपल्या वयोगटात प्रथम क्रमांक पटकावत जिल्हास्तरीय स्पर्धेसाठी आपली निवड निश्चित केली.

या स्पर्धेत कु. अक्षरा अनिल गवई हिने १७ वर्षे वयोगटात चमकदार कामगिरी करत प्रथम क्रमांक मिळविला. मुलींच्या कुस्तीमध्ये अक्षराने दाखविलेल्या कौशल्याचे विशेष कौतुक करण्यात आले. तसेच १९ वर्षे वयोगटात करण अरुण पवार आणि करण किसन सिरस्कार यांनी ताकद व कौशल्याचे उत्कृष्ट प्रदर्शन करत प्रतिस्पर्ध्यांवर मात करून प्रथम क्रमांक पटकावला.

या तिन्ही विजयी कुस्तीपटूंची आता जिल्हास्तरीय स्पर्धेसाठी निवड झाली आहे. त्यांच्या या यशाबद्दल संस्थेचे संस्थापक तथा सचिव मा. श्री. रामसिंगजी जाधव, कनिष्ठ महाविद्यालयाचे प्राचार्य श्री. एफ. पी. राठोड आणि क्रीडा प्रशिक्षक श्री. सी. ए. वाघ यांनी तिन्ही विद्यार्थ्यांचे अभिनंदन केले. तसेच आगामी जिल्हास्तरीय कुस्ती स्पर्धेसाठी त्यांना शुभेच्छा दिल्या.

वसंतराव नाईक विज्ञान कनिष्ठ महाविद्यालयाच्या या तीनही गुणवंत कुस्तीपटूंचे सर्व स्तरांतून अभिनंदन होत असून, जिल्हास्तरीय स्पर्धेतही ते उल्लेखनीय कामगिरी करतील, अशी अपेक्षा व्यक्त केली जात आहे.