one-day Vipassana meditation : पितामह उ बा खीन यांच्या जयंतीनिमित्त धम्मगिरी इगतपुरीच्या मार्गदर्शनाखाली धम्म मंजुषा विपश्यना केंद्र, बोरगाव मंजू यांच्या वतीने आयोजित एकदिवसीय ध्यान साधना शिबिराला साधकांचा उत्स्फूर्त प्रतिसाद मिळाला.
बोरगाव मंजू : पितामह ऊ बा खीन यांच्या जयंतीनिमित्त धम्मगिरी इगतपुरीच्या मार्गदर्शनाखाली धम्म मंजुषा विपश्यना केंद्र, बोरगाव मंजू यांच्या वतीने आयोजित एकदिवसीय ध्यान साधना शिबिराला साधकांचा उत्स्फूर्त प्रतिसाद मिळाला.
भूमिगत गटार योजनेला सुरुवातीपासूनच तडा; गंगानगरात सांडपाणी थेट चेंबरमध्ये
नवनिर्माणाधीन धम्म ध्यान साधना गृह येथे ६ मार्च रोजी हे शिबिर पार पडले. या शिबिरात परिसरातील शेकडो साधकांनी सहभागी होत ध्यान साधनेचा लाभ घेतला. या कार्यक्रमाचे आयोजन धम्म मंजुषा विपश्यना केंद्राच्या संचालक मंडळाच्या वतीने करण्यात आले होते.
धम्मगिरी इगतपुरीद्वारे संचालित धम्म मंजुषा विपश्यना केंद्र बोरगाव मंजू येथे उभारण्यात आले असून येथे ध्यान साधनेसाठी भव्य धम्म सभागृहाचे बांधकाम सुरू आहे. या केंद्रात वर्षभर ध्यान साधना तसेच विविध सामाजिक उपक्रमही राबविले जातात.
एकदिवसीय शिबिराला सकाळी प्रारंभ झाला. दिवसभर साधकांनी शांत वातावरणात ध्यान साधना केली. सायंकाळी ‘मंगल मैत्री’ घेऊन शिबिराची सांगता करण्यात आली.
या शिबिराचे मार्गदर्शन पू. सहाय्यक आचार्य उषा तायडे, पू. आचार्य भगतजी व पू. आचार्य रविंद्र पोद्दार यांनी केले. त्यांच्या मार्गदर्शनाखाली शिबिर शिस्तबद्ध आणि यशस्वीरीत्या पार पडले.
आजच्या धकाधकीच्या आणि तणावपूर्ण जीवनात शांत व चिंतामुक्त जीवन जगण्याचा मार्ग म्हणजे विपश्यना असल्याचे सांगत अधिकाधिक साधकांनी अशा शिबिरांमध्ये सहभागी व्हावे, असे आवाहन बोरगाव मंजू विपश्यना प्रचार समिती व धम्म मंजुषा विपश्यना केंद्राच्या संचालक मंडळाने केले आहे.
