car hits two-wheeler : भरधाव इरटिगा कारची दुचाकीला धडक; तुळजापूरच्या व्यक्तीस गंभीर दुखापत

car hits two-wheeler : शहरातील धरमकाट्याजवळ भरधाव व निष्काळजीपणे चालविण्यात आलेल्या इरटिगा कारने दुचाकीला धडक दिल्याने दुचाकीवरील व्यक्ती गंभीर जखमी झाल्याची घटना 15 सप्टेंबर रोजी सकाळी घडली. या प्रकरणी देऊळगाव राजा पोलिसांनी इरटिगा कारचालकाविरुद्ध भारतीय न्याय संहितेच्या कलम 281, 125(अ) व 125(ब) अन्वये गुन्हा दाखल केला आहे.

देऊळगाव राजातील धरमकाट्याजवळ अपघात; कारचालकाविरुद्ध गुन्हा दाखल

गजानन तिडके 
देऊळगाव राजा : शहरातील धरमकाट्याजवळ भरधाव व निष्काळजीपणे चालविण्यात आलेल्या इरटिगा कारने दुचाकीला धडक दिल्याने दुचाकीवरील व्यक्ती गंभीर जखमी झाल्याची घटना 15 सप्टेंबर रोजी सकाळी घडली. या प्रकरणी देऊळगाव राजा पोलिसांनी इरटिगा कारचालकाविरुद्ध भारतीय न्याय संहितेच्या कलम 281, 125(अ) व 125(ब) अन्वये गुन्हा दाखल केला आहे.
पोलिसांनी दिलेल्या माहितीनुसार, 15 सप्टेंबर 2026 रोजी सकाळी साडेदहा वाजण्याच्या सुमारास देऊळगाव राजा येथील धरमकाट्याजवळ हा अपघात झाला. याप्रकरणी तुळजापूर, ता. देऊळगाव राजा येथील शेतकरी विष्णू सखाराम मगर (वय 59) यांनी पोलिसांत तक्रार दाखल केली.
फिर्यादीच्या तक्रारीनुसार, आरोपी किरण घनघाव, रा. बोरखेडा, ता. भोकरदन, जि. जालना हा इरटिगा कार क्रमांक MH-48-BH-8960 चालवीत होता. आरोपीने वाहन भरधाव वेगाने व निष्काळजीपणे चालवून फिर्यादीच्या मोटारसायकलला धडक दिल्याचे तक्रारीत नमूद आहे.
या अपघातात फिर्यादीचे पाहुणे बबन झिने यांच्या डोक्याला मार लागला. तसेच त्यांच्या डाव्या पायाला व डाव्या हाताच्या खांद्याला गंभीर दुखापत झाल्याचे पोलिस तक्रारीत नमूद करण्यात आले आहे. अपघातामुळे मोटारसायकल क्रमांक MH-21-G-6012 चेही नुकसान झाले आहे.
घटनेनंतर या प्रकरणी 25 सप्टेंबर रोजी सायंकाळी 4.34 वाजता देऊळगाव राजा पोलीस ठाण्यात कायमी अप क्रमांक 437/2026 नुसार गुन्हा दाखल करण्यात आला. वरिष्ठ पोलीस अधिकाऱ्यांच्या आदेशानुसार प्रकरणाचा तपास पोलीस हेड कॉन्स्टेबल भास्कर सानप (बन क्रमांक 1836) यांच्याकडे सोपविण्यात आला आहे.
या अपघाताच्या घटनेचा पुढील तपास देऊळगाव राजा पोलीस करीत असून, अपघाताची नेमकी परिस्थिती, वाहनाचा वेग आणि निष्काळजीपणाबाबत तपास करण्यात येत आहे.