Dongaon: ‘गणपती बाप्पा मोरया… पुढच्या वर्षी लवकर या!’ जयघोषाने डोणगाव दुमदुमले

Dongaon: अनंत चतुर्दशीनिमित्त डोणगाव येथे श्री गणेशमूर्ती विसर्जन मिरवणुकीला अत्यंत उत्साहात आणि मंगलमय वातावरणात सुरुवात झाली. ‘गणपती बाप्पा मोरया, पुढच्या वर्षी लवकर या!’ या जयघोषाने तसेच ढोल-ताशांच्या गजराने संपूर्ण डोणगाव परिसर दुमदुमून गेला आहे.

   ढोल-ताशांचा गजर, आकर्षक रोषणाई अन् भक्तांचा उत्साह; महालक्ष्मी नगरच्या विघ्नहर्त्याची भव्य मिरवणूक

डोणगाव : अनंत चतुर्दशीनिमित्त डोणगाव येथे श्री गणेशमूर्ती विसर्जन मिरवणुकीला अत्यंत उत्साहात आणि मंगलमय वातावरणात सुरुवात झाली. ‘गणपती बाप्पा मोरया, पुढच्या वर्षी लवकर या!’ या जयघोषाने तसेच ढोल-ताशांच्या गजराने संपूर्ण डोणगाव परिसर दुमदुमून गेला आहे.

महालक्ष्मी नगर येथील प्रसिद्ध ‘विघ्नहर्ता’ श्री गणेश मंडळाची विसर्जन मिरवणूक भव्य आणि आकर्षक स्वरूपात डौलात निघाली. आकर्षक विद्युत रोषणाई, फुलांची सुंदर सजावट आणि पारंपरिक वाद्यांच्या गजरामुळे मिरवणुकीला विशेष रंगत आली आहे. महालक्ष्मी नगरच्या विघ्नहर्त्याचे दर्शन घेण्यासाठी रस्त्याच्या दुतर्फा भाविक आणि नागरिकांनी मोठी गर्दी केली आहे.

गावातील प्रमुख मार्गांवरून विसर्जन मिरवणूक पुढे सरकत असून, विविध तरुण मंडळांचे कार्यकर्ते, महिला तसेच बालकांचा उत्स्फूर्त सहभाग दिसून येत आहे. ढोल-ताशांचा निनाद, गणरायाचा जयघोष आणि भक्तिमय वातावरणामुळे डोणगाव नगरीत उत्साहाचे वातावरण निर्माण झाले आहे.

पोलिसांचा कडेकोट बंदोबस्त

गणेश विसर्जन मिरवणुकीच्या पार्श्वभूमीवर कायदा व सुव्यवस्था अबाधित राहावी यासाठी स्थानिक प्रशासन आणि पोलिसांकडून प्रमुख मार्गांवर तसेच गर्दीच्या ठिकाणी आवश्यक बंदोबस्त ठेवण्यात आला आहे. मिरवणूक शांततेत आणि शिस्तीत पार पाडण्यासाठी प्रशासनाकडून आवश्यक खबरदारी घेतली जात आहे.

दरम्यान, गणेश मंडळांचे कार्यकर्ते आणि नागरिकांनी प्रशासनाच्या सूचनांचे पालन करून शांततेत विसर्जन मिरवणूक पार पाडावी, असे आवाहन आयोजकांकडून करण्यात आले आहे. भक्तिमय आणि उत्साहपूर्ण वातावरणात सुरू झालेल्या या मिरवणुकीमुळे डोणगाव नगरी गणरायाच्या जयघोषाने भारावून गेली आहे.