Speeding Cargo Vehicle : स्थानिक पोलिस चौकी अंतर्गत येत असलेल्या अकोला वाडेगाव मार्गावर मंगळवार रोजी सकाळी ११ वाजता दरम्यान कुटाराने भरलेल्या मालवाहतूक गाडी अचानक नियत्रंण सुटल्याने उलटली.या अपघातात सुदैवाने जीवितहानी टळली.
राहुल सोनोने
वाडेगाव: स्थानिक पोलिस चौकी अंतर्गत येत असलेल्या अकोला वाडेगाव मार्गावर मंगळवार रोजी सकाळी ११ वाजता दरम्यान कुटाराने भरलेल्या मालवाहतूक गाडी अचानक नियत्रंण सुटल्याने उलटली.या अपघातात सुदैवाने जीवितहानी टळली.
अकोला वाडेगाव मार्गावर असलेल्या झोपडपट्टी नजीक वाडेगाव वरून अकोला कडे जात असताना विरुद्ध दिशेने शेतातून येत असलेल्या बैल गाड़ीतील मजुराना वाचविण्या करीता चालकाने ब्रेक मारले. त्यामुळे, चालकाचे नियंत्रण सुटल्याने पिकअप गाडी क्र एम एच ३० ए बी ११५१ उलटली.या अपघाताने काही वेळ वाहतुक ठप्प झाली होती.या अपघातामध्ये सुदैवाने जिवीत हानी झाली नाही भरलेल्या पिकअप गाडीमध्ये खेट्री येथील ४ मजुर गाडीत होते. गाड़ी उलटल्याने डिझल टॅक फुटून त्यामधील सर्व डिझल रस्त्यावर पसरले होते .तपत्या उन्हात पसरलेल्या डिझल मुळे सोयाबिन कुटाराने पेट घेतला नाही. माहीती मिळताच वाडेगाव पोलिस चौकीचे बिट जमादार सुरेश ढोरे यांनी घटनास स्थळी जाऊन वाहतुक सुरळीत केली. तसेच जखमीना प्राथमिक आरोग्य केंद्र वाडेगाव उपचारा करीत पाठविण्यात आले असल्याची माहिती देण्यात आली. या मार्गावरून जोरात जात असलेल्या वाहनाची गती कमी करण्याकरीता इंदिरा नगर जवळ गतिरोधक देण्यात यावा अशी मागणी स्थानिक ग्रामस्थांकडून केली जाते. या परिसरात गतिरोधक न बसवल्यास आंदोलन करण्याचा इशारा ग्रामस्थंनी दिला आहे.
