ban on nylon kite string : मकर संक्रांतीच्या कालावधीत पतंग उडविण्याचे प्रमाण मोठ्या प्रमाणात वाढते. मात्र यासाठी वापरण्यात येणाऱ्या नायलॉन मांजामुळे मानवी जीवितासह पशु-पक्ष्यांच्या जीविताला गंभीर धोका निर्माण होत आहे. नायलॉन मांजामुळे जखमी होण्याच्या तसेच मृत्यूच्या घटनांमध्ये वाढ होत असल्याच्या पार्श्वभूमीवर पर्यावरण (संरक्षण) अधिनियमाअंतर्गत संपूर्ण बुलढाणा जिल्ह्यात नायलॉन मांजाची निर्मिती, वापर, विक्री व साठवणूक यांवर कायमस्वरूपी बंदी घालण्यात आली आहे. याबाबतचे आदेश जिल्हादंडाधिकारी डॉ. किरण पाटील यांनी निर्गमित केले आहेत.
बुलढाणा : मकर संक्रांतीच्या कालावधीत पतंग उडविण्याचे प्रमाण मोठ्या प्रमाणात वाढते. मात्र यासाठी वापरण्यात येणाऱ्या नायलॉन मांजामुळे मानवी जीवितासह पशु-पक्ष्यांच्या जीविताला गंभीर धोका निर्माण होत आहे. नायलॉन मांजामुळे जखमी होण्याच्या तसेच मृत्यूच्या घटनांमध्ये वाढ होत असल्याच्या पार्श्वभूमीवर पर्यावरण (संरक्षण) अधिनियमाअंतर्गत संपूर्ण बुलढाणा जिल्ह्यात नायलॉन मांजाची निर्मिती, वापर, विक्री व साठवणूक यांवर कायमस्वरूपी बंदी घालण्यात आली आहे. याबाबतचे आदेश जिल्हादंडाधिकारी डॉ. किरण पाटील यांनी निर्गमित केले आहेत.
या आदेशानुसार बुलढाणा जिल्ह्यातील सर्व घाऊक व्यापारी, किरकोळ व्यापारी तसेच साठवणूकदारांना नायलॉन मांजाची विक्री व साठवणूक करण्यास सक्त मनाई करण्यात आली आहे. आदेशाची प्रभावी अंमलबजावणी करण्यासाठी सर्व स्थानिक स्वराज्य संस्था व पोलीस विभागांनी स्वतंत्र पथके स्थापन करून आवश्यक ती कारवाई करावी, असे निर्देश देण्यात आले आहेत.
सदर आदेशाचे उल्लंघन करणाऱ्या कोणत्याही व्यक्ती अथवा संस्थेविरुद्ध पर्यावरण (संरक्षण) अधिनियम १९८६ च्या कलम १५ अन्वये शिक्षेची तरतूद लागू राहील, असेही जिल्हादंडाधिकारी यांच्या आदेशात स्पष्ट करण्यात आले आहे.
