Subhash Gavai :काष्ट्राईब शिक्षक संघटनेची सिंदखेडराजा तालुका कार्यकारिणी गठित करण्यासाठी २२ मार्च रोजी दुसरबीड येथे जिल्हाध्यक्ष शेषराव वाकोडे यांच्या अध्यक्षतेखाली बैठकीचे आयोजन करण्यात आले होते.
साखरखेर्डा : काष्ट्राईब शिक्षक संघटनेची सिंदखेडराजा तालुका कार्यकारिणी गठित करण्यासाठी २२ मार्च रोजी दुसरबीड येथे जिल्हाध्यक्ष शेषराव वाकोडे यांच्या अध्यक्षतेखाली बैठकीचे आयोजन करण्यात आले होते.
या बैठकीस प्रमुख म्हणून राज्य उपाध्यक्ष दिलीप दादा खंडारे, जिल्हा प्रसिद्धी प्रमुख संदीप वानखडे, जिल्हा कार्यकारिणी सदस्य संजय जाधव व सुभाष पडघान उपस्थित होते.
सभेत राज्य उपाध्यक्ष दिलीप दादा खंडारे यांच्या मार्गदर्शनाखाली जिल्हाध्यक्ष शेषराव वाकोडे यांनी उपस्थित पदाधिकारी व सदस्यांच्या मतांचा विचार करून सिंदखेडराजा तालुकाध्यक्षपदी सुभाष गवई, तर कार्याध्यक्षपदी सचिन डोंगरदिवे यांची नियुक्ती केली. नवनियुक्त पदाधिकाऱ्यांचा मान्यवरांच्या हस्ते सत्कार करण्यात आला असून पुढील कार्यासाठी शुभेच्छा देण्यात आल्या.
यावेळी विभागीय केंद्र समन्वयक परीक्षेत जिल्ह्यात प्रथम क्रमांकाने उत्तीर्ण झाल्याबद्दल अजय आढाव यांचा शाल व पुष्पगुच्छ देऊन मान्यवरांच्या हस्ते सत्कार करण्यात आला. कार्यक्रमाचे सूत्रसंचालन अमोल साळवे यांनी केले. सभेला सिंदखेडराजा तालुक्यातील सर्व पदाधिकारी व सदस्य उपस्थित होते. तसेच या कार्यक्रमासाठी संतोष सरकटे, प्रदीप मोरे, बबन इंगळे, अरुण गवई, अनिल झोटे, सिद्धार्थ मस्के, मनोज जाधव, दीपक थोरवे, प्रदीप कंकाळ, दीपक इंगळे, अमोल इंगळे व सुनील पडघान आदी उपस्थित होते.
