agricultural area issue :गोळेगाव शेतशिवारातील शेतकऱ्यांचा शासनाला सामूहिक इशारा; तातडीने कोरडा दुष्काळ जाहीर करण्याची मागणी

agricultural area issue : पातूर तालुक्यातील गोळेगाव शेतशिवारातील शेतकरी सध्या निर्माण झालेल्या भीषण दुष्काळी परिस्थितीमुळे अडचणीत सापडले आहेत. पावसाअभावी पिकांचे मोठ्या प्रमाणात नुकसान झाले असून, शेतकऱ्यांमध्ये तीव्र नाराजी निर्माण झाली आहे. या पार्श्वभूमीवर गोळेगाव शेतशिवारातील शेतकऱ्यांनी शासनाकडे सामूहिक मागणी करत तालुक्यात कोरडा दुष्काळ जाहीर करून शेतकऱ्यांना तातडीने आर्थिक मदत द्यावी, अशी मागणी केली आहे.

 पिकांचे मोठे नुकसान; दिवाळीपूर्वी शेतकऱ्यांच्या खात्यात मदत जमा करा

राहुल सोनोने

दिग्रस बु. : पातूर तालुक्यातील गोळेगाव शेतशिवारातील शेतकरी सध्या निर्माण झालेल्या भीषण दुष्काळी परिस्थितीमुळे अडचणीत सापडले आहेत. पावसाअभावी पिकांचे मोठ्या प्रमाणात नुकसान झाले असून, शेतकऱ्यांमध्ये तीव्र नाराजी निर्माण झाली आहे. या पार्श्वभूमीवर गोळेगाव शेतशिवारातील शेतकऱ्यांनी शासनाकडे सामूहिक मागणी करत तालुक्यात कोरडा दुष्काळ जाहीर करून शेतकऱ्यांना तातडीने आर्थिक मदत द्यावी, अशी मागणी केली आहे.

पिकांचे मोठ्या प्रमाणात नुकसान झाल्याने शेतकऱ्यांवर आर्थिक संकट ओढवले आहे. त्यामुळे शासनाने परिस्थितीची तातडीने दखल घेऊन कोरडा दुष्काळ जाहीर करावा, तसेच शेतकऱ्यांना नुकसानभरपाई व इतर शासकीय मदत तातडीने उपलब्ध करून द्यावी, अशी मागणी करण्यात आली.

तसेच पीकविमा योजनेचे नियम पूर्वीप्रमाणे लागू करावेत, अशीही शेतकऱ्यांची मागणी आहे. दुष्काळी परिस्थितीमुळे खरीप हंगामातील पिकांचे नुकसान झाल्याने पीकविम्याचा लाभ शेतकऱ्यांना मिळणे आवश्यक असल्याचे शेतकऱ्यांनी म्हटले आहे.

शासनाने विलंब न करता दुष्काळी परिस्थिती जाहीर करून मदतीची प्रक्रिया सुरू करावी आणि दिवाळीपूर्वी प्रत्येक शेतकरी बांधवाच्या बँक खात्यात आर्थिक मदत जमा करावी, अशी आग्रही मागणी यावेळी करण्यात आली.

शेतकऱ्यांमध्ये तीव्र नाराजी

पावसाअभावी पिकांची वाढ खुंटली असून, उत्पादनावर मोठा परिणाम होण्याची शक्यता निर्माण झाली आहे. शेतीवर अवलंबून असलेल्या शेतकऱ्यांसमोर आर्थिक अडचणी उभ्या राहिल्या आहेत. त्यामुळे शासनाने केवळ कागदोपत्री पाहणी न करता प्रत्यक्ष परिस्थितीचा विचार करून तातडीने मदतीचा निर्णय घ्यावा, अशी अपेक्षा शेतकऱ्यांनी व्यक्त केली.

यावेळी निलेश तोताराम कापकर, मंगल तेलगोटे, श्रीरामजी तेलगोटे, प्रभाकर तेलगोटे, रामेश्वर तेलगोटे, अनिल तेलगोटे, सुरेश तायडे, पंकज तेलगोटे, तेजराव तेलगोटे, श्रीकृष्ण तेलगोटे, दिलीप तेलगोटे, विष्णू तेलगोटे, महेंद्र तेलगोटे, सुभाष मुळे, हरमकार संदीप वाठोरे, राजेश भालेराव यांच्यासह इतर शेतकरी उपस्थित होते.

शेतकऱ्यांच्या मागण्यांकडे शासन व प्रशासनाने तातडीने लक्ष देऊन दुष्काळी मदतीबाबत सकारात्मक निर्णय घ्यावा, अशी अपेक्षा उपस्थित शेतकऱ्यांनी व्यक्त केली.