Dhaba students : तालुक्यातील धाबा येथील सिद्धेश्वर विद्यालयाच्या विद्यार्थिनींनी राज्यस्तरीय स्काऊट-गाईड चाचणी परीक्षा यशस्वीरित्या उत्तीर्ण होत शाळेचा व तालुक्याचा मान उंचावला आहे. ही परीक्षा भारत स्काऊट्स अँड गाईड्स, जिल्हा कार्यालय अकोला यांच्या वतीने आयोजित करण्यात आली होती.
बबन इंगळे
बार्शीटाकळी : तालुक्यातील धाबा येथील सिद्धेश्वर विद्यालयाच्या विद्यार्थिनींनी राज्यस्तरीय स्काऊट-गाईड चाचणी परीक्षा यशस्वीरित्या उत्तीर्ण होत शाळेचा व तालुक्याचा मान उंचावला आहे. ही परीक्षा भारत स्काऊट्स अँड गाईड्स, जिल्हा कार्यालय अकोला यांच्या वतीने आयोजित करण्यात आली होती.
सदर परीक्षेत लेखी, प्रात्यक्षिक तसेच शारीरिक चाचण्यांचा समावेश होता. या परीक्षेसाठी विद्यालयातील पाच विद्यार्थिनींनी सहभाग नोंदविला होता. पाचही विद्यार्थिनींनी उत्कृष्ट कौशल्य, नेतृत्वगुण व शिस्तबद्धतेचे प्रदर्शन करत घवघवीत यश संपादन केले.
यशस्वी विद्यार्थिनींमध्ये पायल महादेव ठाकरे, दिपाली श्रीहरी भेंडेकर, रेणुका अवधूत नागरे, शिवानी दिलीप घुगे व वैभवी राहुल राठोड यांचा समावेश आहे.
राज्यस्तरीय स्काऊट-गाईड चाचणीत उल्लेखनीय यश मिळवल्याबद्दल संत ज्ञानेश्वर बहुउद्देशीय मंडळाचे संस्थापक अनिल धाबेकर यांच्या मार्गदर्शनाखाली शाळेचे मुख्याध्यापक नितीन मानके, स्काऊट-गाईड शिक्षिका जया बोचरे तसेच शिक्षक व शिक्षकेतर कर्मचाऱ्यांनी विद्यार्थिनींचे अभिनंदन करून त्यांचे कौतुक केले.
जिल्ह्यातील इतर बातम्यासाठी अकोला पेजला भेट द्या
