AAPs public outreach campaign : E20 पेट्रोलबाबत नागरिकांच्या भावना जाणून घेण्यासाठी आपचे जनसंपर्क अभियान

AAPs public outreach campaign : इथेनॉल मिश्रित पेट्रोल (E20) वापराबाबत नागरिकांच्या भावना, शंका आणि सूचना जाणून घेण्यासाठी आम आदमी पार्टीच्या बाळापूर विधानसभा मतदारसंघाच्या वतीने गुरुवारी शहरात जनसंपर्क अभियान राबविण्यात आले. या अभियानादरम्यान वाहनधारक, शेतकरी, व्यापारी तसेच सर्वसामान्य नागरिकांशी संवाद साधून त्यांच्या प्रतिक्रिया नोंदविण्यात आल्या.

   इथेनॉल मिश्रित पेट्रोलवर नागरिकांच्या शंका; शासनाकडे स्पष्ट माहितीची मागणी

बाळापूर : इथेनॉल मिश्रित पेट्रोल (E20) वापराबाबत नागरिकांच्या भावना, शंका आणि सूचना जाणून घेण्यासाठी आम आदमी पार्टीच्या बाळापूर विधानसभा मतदारसंघाच्या वतीने गुरुवारी शहरात जनसंपर्क अभियान राबविण्यात आले. या अभियानादरम्यान वाहनधारक, शेतकरी, व्यापारी तसेच सर्वसामान्य नागरिकांशी संवाद साधून त्यांच्या प्रतिक्रिया नोंदविण्यात आल्या.

संवादादरम्यान अनेक नागरिकांनी E20 इंधनाच्या वापरामुळे वाहनांच्या मायलेजमध्ये होणारा संभाव्य बदल, इंजिनच्या कार्यक्षमतेवर होणारा परिणाम तसेच वाहनांच्या देखभाल खर्चात वाढ होण्याबाबत शंका व्यक्त केल्या. या धोरणाबाबत शासनाने अधिक पारदर्शक, सविस्तर आणि तांत्रिक माहिती नागरिकांपर्यंत पोहोचवावी, अशी अपेक्षाही अनेकांनी व्यक्त केली.

यावेळी आम आदमी पार्टीच्या पदाधिकाऱ्यांनी नागरिकांकडून प्राप्त झालेल्या सूचना आणि समस्या संबंधित शासन व प्रशासनापर्यंत पोहोचविण्याचे आश्वासन दिले. जनहिताच्या प्रश्नांवर पक्ष सातत्याने नागरिकांच्या बाजूने उभा राहील, अशी भूमिका त्यांनी मांडली.

इथेनॉल मिश्रित पेट्रोल धोरणाची व्यापक अंमलबजावणी करण्यापूर्वी वाहन उत्पादक, तज्ज्ञ, ग्राहक आणि इतर संबंधित घटकांचे मत विचारात घेऊन आवश्यक उपाययोजना कराव्यात, अशी मागणीही या अभियानादरम्यान करण्यात आली.

या उपक्रमामुळे E20 इंधनाबाबत नागरिकांच्या प्रत्यक्ष प्रतिक्रिया जाणून घेण्याचा प्रयत्न करण्यात आला असून, शासनाने यासंदर्भातील जनजागृती आणि तांत्रिक मार्गदर्शन अधिक प्रभावीपणे करावे, अशी भावना अनेक नागरिकांनी व्यक्त केली.