Subodh Yuvak Kalyan Mandal: डोणगावात भक्तीचा अनोखा उपक्रम; सुबोध युवक कल्याण मंडळाकडून ४५०० गणेशमूर्तींचे सस्नेह वाटप

Subodh Yuvak Kalyan Mandal: गणेशोत्सवाच्या पार्श्वभूमीवर येथील सुबोध युवक कल्याण मंडळाच्या वतीने ४५०० घरगुती गणेशमूर्तींचे सस्नेह वाटप दि. १२ सप्टेंबर रोजी अत्यंत उत्साहात आणि धार्मिक वातावरणात करण्यात आले. गेल्या वर्षीप्रमाणे यंदाही भाविकांसाठी हा उपक्रम राबविण्यात आला. परिसरातील बेलगाव, पांगरखेड, शेलगाव देशमुख, गोहोगाव यांसह विविध गावांतील हजारो गणेशभक्तांनी या उपक्रमाचा लाभ घेतला.

 ‘गणपती बाप्पा मोरया’च्या जयघोषात डोणगावात ४५०० घरगुती गणेशमूर्तींचे वाटप

डोणगाव: गणेशोत्सवाच्या पार्श्वभूमीवर येथील सुबोध युवक कल्याण मंडळाच्या वतीने ४५०० घरगुती गणेशमूर्तींचे सस्नेह वाटप दि. १२ सप्टेंबर रोजी अत्यंत उत्साहात आणि धार्मिक वातावरणात करण्यात आले. गेल्या वर्षीप्रमाणे यंदाही भाविकांसाठी हा उपक्रम राबविण्यात आला. परिसरातील बेलगाव, पांगरखेड, शेलगाव देशमुख, गोहोगाव यांसह विविध गावांतील हजारो गणेशभक्तांनी या उपक्रमाचा लाभ घेतला.

या प्रसंगी विविध क्षेत्रांतील मान्यवरांची विशेष उपस्थिती होती. यामध्ये मेहकरचे तहसीलदार निलेश मडके, माजी मंत्री सुबोध सावजी, सुबोध युवक कल्याण मंडळाचे अध्यक्ष शैलेश सावजी, नायब तहसीलदार नितीन बोरकर, कृषी सहाय्यक विठ्ठल धांडे तसेच महिला व बालकल्याणच्या माजी सभापती सौ. सायलीताई शैलेश सावजी यांचा प्रमुख पाहुणे म्हणून समावेश होता.

तसेच काँग्रेसचे शहराध्यक्ष विष्णू पळसकर, डोणगाव पत्रकार संघाचे अध्यक्ष सचिन गाभणे, हमिद मुल्लाजी यांच्यासह परिसरातील अनेक ग्रामस्थ, नागरिक आणि बालगोपाळ गणेशभक्त मोठ्या संख्येने उपस्थित होते.

उपस्थित मान्यवरांच्या हस्ते गणेशमूर्तींचे सस्नेह वाटप करण्यात आले. गणपती बाप्पाच्या आगमनानिमित्त आयोजित या उपक्रमामुळे संपूर्ण परिसरात भक्तीमय आणि उत्साहाचे वातावरण निर्माण झाले होते.

सुबोध युवक कल्याण मंडळाच्या या सामाजिक व धार्मिक उपक्रमाचे परिसरातील नागरिक आणि गणेशभक्तांकडून सर्व स्तरांतून भरभरून कौतुक करण्यात येत आहे.