NCP :देऊळगाव राजा तालुक्यात राष्ट्रवादी काँग्रेस पक्षाने संघटन बळकट करण्यासाठी महत्त्वाचे पाऊल उचलत ज्ञानेश्वर टेकाळे यांची तालुका कार्याध्यक्षपदी नियुक्ती केली आहे. या नियुक्तीमुळे तालुक्यातील पक्षाची राजकीय हालचाल अधिक गतिमान होण्याची चिन्हे दिसत आहेत.
राष्ट्रवादीत नवे बळ; टेकाळे यांच्या नियुक्तीने तालुक्यात संघटन मजबूत करण्यावर भर
गजानन तिडके
देऊळगाव राजा : देऊळगाव राजा तालुक्यात राष्ट्रवादी काँग्रेस पक्षाने संघटन बळकट करण्यासाठी महत्त्वाचे पाऊल उचलत ज्ञानेश्वर टेकाळे यांची तालुका कार्याध्यक्षपदी नियुक्ती केली आहे. या नियुक्तीमुळे तालुक्यातील पक्षाची राजकीय हालचाल अधिक गतिमान होण्याची चिन्हे दिसत आहेत.
राष्ट्रवादी काँग्रेसचे जिल्हाध्यक्ष अॅड. नाझेर काझी यांनी अधिकृत पत्राद्वारे ही नियुक्ती जाहीर केली. मातृतीर्थ सिंदखेडराजा विधानसभा मतदारसंघाचे आमदार मनोज कायंदे यांच्या सूचनेनुसार व पक्षाच्या अल्पसंख्याक विभागाच्या प्रदेशाध्यक्ष पदाच्या मार्गदर्शनाखाली ही निवड करण्यात आल्याचे सांगण्यात आले.
नियुक्तीपत्रात टेकाळे यांना पक्षाची विचारधारा व धोरणे तळागाळापर्यंत पोहोचवण्याची जबाबदारी देण्यात आली असून, आगामी निवडणुकांच्या पार्श्वभूमीवर संघटन मजबूत करण्यावर विशेष भर देण्याच्या सूचना देण्यात आल्या आहेत. त्यामुळे तालुक्यात राष्ट्रवादी काँग्रेस पक्ष नव्या जोमाने कामाला लागणार असल्याचे संकेत मिळत आहेत.
या नियुक्तीप्रसंगी तालुका अध्यक्ष सदाशिव मुंढे, अल्पसंख्यांक विभागाचे जिल्हा उपाध्यक्ष अजगर शाह, सतीश झिने, सचिन मुंढे आदी पदाधिकारी उपस्थित होते.
दरम्यान, ज्ञानेश्वर टेकाळे यांच्या नियुक्तीमुळे स्थानिक राजकारणात राष्ट्रवादी काँग्रेसला नवे बळ मिळणार असल्याची चर्चा असून, त्यांच्या पुढील राजकीय वाटचालीकडे लक्ष लागले आहे.
