illegal sand : तालुक्यातील देऊळगाव मही परिसरातील खडकपूर्णा नदीपात्रासह धरणातून अवैध रेती उपसा आणि वाहतूक सुरूच असून, महसूल विभाग सातत्याने कारवाई करत असला तरी रेती तस्कर प्रशासनाला चकवा देण्यात यशस्वी होत आहेत. ३ डिसेंबर रोजी महसूल पथकाने पांगरी परिसरात अवैध रेती वाहतूक करणारा टिप्पर पकडून पोलीस स्टेशनमध्ये जप्त केली.
देऊळगाव राजा : तालुक्यातील देऊळगाव मही परिसरातील खडकपूर्णा नदीपात्रासह धरणातून अवैध रेती उपसा आणि वाहतूक सुरूच असून, महसूल विभाग सातत्याने कारवाई करत असला तरी रेती तस्कर प्रशासनाला चकवा देण्यात यशस्वी होत आहेत. ३ डिसेंबर रोजी महसूल पथकाने पांगरी परिसरात अवैध रेती वाहतूक करणारा टिप्पर पकडून पोलीस स्टेशनमध्ये जप्त केली.
खडकपूर्णा नदीपात्रात महसूल पथकाची नजर चुकवून रेती तस्करी सुरू असल्याची माहिती मिळताच तहसीलदार वैशाली डोंगरजाळ यांच्या मार्गदर्शनाखालील पथकाने सिनगाव–पांगरी रस्त्यावर सापळा रचला. सकाळच्या सुमारास अवैधपणे रेती वाहतूक करणारा टिप्पर क्रमांक MH-28 BB 9464 पाठलाग करून पकडण्यात आला. त्यानंतर वाहन जप्त करून ते देऊळगाव राजा पोलीस स्टेशनमध्ये जमा करण्यात आले आहे. ही कारवाई मंडळ अधिकारी विजय हिरवे,ग्राम महसूल अधिकारी संजय हंडे,महसूल सेवक कविता शिरसाट यांच्या पथकाने केली. महसूल विभागाच्या या कारवाईमुळे तस्करांना चांगलाच धक्का बसला असून, पुढील काळातही अशी कारवाई सुरू राहणार असल्याची माहिती प्रशासनातून देण्यात आली.
