Janata Vidyalaya :सिनगावच्या जनता विद्यालयाची तलवारबाजीत दमदार कामगिरी; सहा खेळाडूंची विभागीय स्तरावर झेप

Janata Vidyalaya : देऊळगाव राजा शिक्षण संस्था, देऊळगाव राजा यांच्या वतीने संचालित तालुक्यातील जनता विद्यालय सिनगाव जहाँगीरच्या सहा विद्यार्थ्यांनी जिल्हास्तरीय तलवारबाजी स्पर्धेत उल्लेखनीय कामगिरी करत पदकांची कमाई केली आहे. या दमदार कामगिरीच्या जोरावर या सहा खेळाडूंची अमरावती येथे होणाऱ्या विभागीय तलवारबाजी स्पर्धेसाठी निवड झाली आहे.

 जिल्हास्तरीय तलवारबाजीत पदकांची लयलूट; जनता विद्यालयातील सहा खेळाडू अमरावती विभागासाठी पात्र

गजानन तिडके

देऊळगाव राजा : देऊळगाव राजा शिक्षण संस्था, देऊळगाव राजा यांच्या वतीने संचालित तालुक्यातील जनता विद्यालय सिनगाव जहाँगीरच्या सहा विद्यार्थ्यांनी जिल्हास्तरीय तलवारबाजी स्पर्धेत उल्लेखनीय कामगिरी करत पदकांची कमाई केली आहे. या दमदार कामगिरीच्या जोरावर या सहा खेळाडूंची अमरावती येथे होणाऱ्या विभागीय तलवारबाजी स्पर्धेसाठी निवड झाली आहे.

जिल्हास्तरीय स्पर्धेत विद्यार्थ्यांनी विविध वयोगटांत उत्कृष्ट कौशल्याचे प्रदर्शन करत पदके पटकावली. यामध्ये कु. धनश्री बंगाळे हिने कांस्यपदक, श्रेयश पठाडे याने कांस्यपदक, सुजाता वाघमारे हिने रौप्यपदक, खुशी बोरकर हिने रौप्यपदक, अस्मिता उडानशिव हिने कांस्यपदक आणि संचिता शिवणकर हिने कांस्यपदक मिळविले.

या सहा विद्यार्थ्यांनी आता अमरावती विभागीय स्तरावरील स्पर्धेत प्रवेश मिळविला असून, त्यांच्या यशामुळे जनता विद्यालय सिनगाव जहाँगीरच्या क्रीडा क्षेत्रातील कामगिरीची दखल घेतली जात आहे.

एकाच शाळेतील तब्बल सहा विद्यार्थ्यांची विभागीय स्तरावर निवड होणे ही शाळेसह सिनगाव जहाँगीर गावासाठी अभिमानाची बाब ठरली आहे. ग्रामीण भागातील विद्यार्थ्यांनी सातत्यपूर्ण सराव, मेहनत आणि जिद्दीच्या बळावर विभागीय स्तरावर मजल मारल्याने पालक व ग्रामस्थांकडूनही त्यांचे कौतुक होत आहे.

विद्यार्थ्यांच्या या यशामागे त्यांची मेहनत, जिद्द आणि सातत्यपूर्ण सराव महत्त्वाचा ठरला. तसेच मुख्याध्यापक श्री. उमाकांत बंड सर, क्रीडाशिक्षक आणि पालकांनी दिलेले मार्गदर्शन व प्रोत्साहन यामुळे विद्यार्थ्यांना या स्पर्धेत उल्लेखनीय कामगिरी करता आली.

या उल्लेखनीय यशाबद्दल देऊळगाव राजा शिक्षण संस्था, देऊळगाव राजा संस्थेचे अध्यक्ष, सचिव, कोषाध्यक्ष, सर्व संचालक, मुख्याध्यापक, शिक्षक व शिक्षकेतर कर्मचाऱ्यांनी सहाही विद्यार्थ्यांचे अभिनंदन केले. तसेच अमरावती येथे होणाऱ्या विभागीय तलवारबाजी स्पर्धेसाठी त्यांना मनःपूर्वक शुभेच्छा दिल्या.