Jagadguru Sant Tukaram Maharaj :जगद्गुरु संत तुकाराम महाराज बीज उत्सव भक्तीमय वातावरणात साजरा

Jagadguru Sant Tukaram Maharaj : तालुक्यातील वाडेगाव येथे जगद्गुरु संत तुकाराम महाराज बीज उत्सव अत्यंत भक्तीमय वातावरणात व मोठ्या उत्साहात साजरा करण्यात आला. या कार्यक्रमाला पंचक्रोशीतील समाजबांधवांची मोठ्या प्रमाणात उपस्थिती लाभली. संत तुकाराम महाराजांच्या आरती, अभंगगायन व विविध धार्मिक कार्यक्रमांमुळे परिसर भक्तिमय झाला होता.

बाळापूर : तालुक्यातील वाडेगाव येथे जगद्गुरु संत तुकाराम महाराज बीज उत्सव अत्यंत भक्तीमय वातावरणात व मोठ्या उत्साहात साजरा करण्यात आला. या कार्यक्रमाला पंचक्रोशीतील समाजबांधवांची मोठ्या प्रमाणात उपस्थिती लाभली. संत तुकाराम महाराजांच्या आरती, अभंगगायन व विविध धार्मिक कार्यक्रमांमुळे परिसर भक्तिमय झाला होता.

बाळापूर नगर परिषदेत पूर्णवेळ मुख्याधिकाऱ्याची मागणी; दोन वर्षांपासून पद रिक्त

या कार्यक्रमाच्या अध्यक्षस्थानी डॉ. वासुदेवराव फाळके होते. प्रमुख अतिथी म्हणून बाळापूर विधानसभा मतदारसंघाचे माजी आमदार नारायणराव गव्हाणकर तसेच जिल्हा परिषद सदस्य राम गव्हाणकर उपस्थित होते. तसेच अखिल भारतीय कुणबी समाज बहुउद्देशीय मंडळ अकोला चे अध्यक्ष राजू आढे, अनंतराव फाटे आदी मान्यवरांची विशेष उपस्थिती होती. मान्यवरांच्या उपस्थितीमुळे कार्यक्रमाला विशेष प्रतिष्ठा लाभली.

कार्यक्रमाची सुरुवात संत तुकाराम महाराजांच्या प्रतिमेचे पूजन व दीपप्रज्वलन करून करण्यात आली. उपस्थित मान्यवरांनी संत तुकाराम महाराजांच्या विचारांचा व त्यांच्या समाजप्रबोधनात्मक कार्याचा गौरव करत समाजाने त्यांच्या शिकवणीप्रमाणे जीवन जगावे, असे आवाहन केले. संत तुकाराम महाराजांच्या अभंगांमधून समाजाला सदाचार, भक्ती, समता आणि बंधुभावाचा संदेश मिळतो, असे मत मान्यवरांनी व्यक्त केले.

मागील वर्षी वाडेगावातील समाजबांधवांनी संत तुकाराम महाराज बीज उत्सवानिमित्त एक महत्त्वपूर्ण संकल्प केला होता. संत तुकाराम महाराजांचे भव्य मंदिर उभारण्याचा संकल्प समाजबांधवांनी एकत्रितपणे केला होता. त्या संकल्पानुसार मंदिर उभारणीचे काम सध्या अंतिम टप्प्यात असून लवकरच मंदिर पूर्णत्वास येणार असल्याची माहिती यावेळी देण्यात आली.

या कार्यासाठी समाजातील बांधवांनी एकदिलाने भरघोस वर्गणी देऊन सहकार्य केले असून अनेकांनी सढळ हाताने देणगी दिली. या कार्यक्रमात नानाभाऊ घनमोडे यांनी मंदिरासाठी ५१ हजार रुपये, शालिग्राम धोत्रे यांनी ११ हजार रुपये तसेच योगेश लोणकर यांनी ५१०० रुपयांची देणगी अर्पण केली.

कार्यक्रमाला जगद्गुरु संत तुकाराम महाराज कुणबी समाज वाडेगावची संपूर्ण कार्यकारिणी मोठ्या संख्येने उपस्थित होती. यामध्ये कुणबी समाज उपाध्यक्ष मनोहर राहणे, कोषाध्यक्ष नारायण सोनोने, नानाभाऊ घनमोडे, शालिग्राम धोत्रे, मनोहर बरडे, अजय लांडे, मोहन साठे, रोकडे साहेब, पंकज घोगरे, अभिषेक गावंडे, सुरेश राहुडकार, डिगंबर पाटीलखेडे, सुनील चोपडे, मंगेश गोळे, डॉ. टेके, दीपक मसने, अंकुश शहाणे, श्रीकृष्ण टाकळकर, अरुणभाऊ पळसकर, विजय चिंचोलकर, दिलीप आकोत, संदीप घाटोळ, सुनील मानकर आदींसह कुणबी युवक संघटनेचे पदाधिकारी व कार्यकर्ते उपस्थित होते. तसेच पंचक्रोशीतील विविध गावांमधून आलेल्या समाजबांधवांनी कार्यक्रमात उत्स्फूर्त सहभाग घेतला.

कार्यक्रमादरम्यान संत तुकाराम महाराजांच्या जीवनकार्यावर आधारित विचार मांडण्यात आले. कार्यक्रमाचे सुबक व प्रभावी संचालन गोपाल घनमोडे यांनी केले. त्यांनी कार्यक्रमाची रूपरेषा सुंदरपणे मांडत मान्यवरांचे स्वागत केले. शेवटी उपस्थित मान्यवरांचे आभार मानण्यात आले व महाप्रसादाचे वितरण करण्यात आले.

एकूणच वाडेगाव येथे साजरा झालेला जगद्गुरु संत तुकाराम महाराज बीज उत्सव हा भक्ती, एकता आणि सामाजिक ऐक्याचे प्रतीक ठरला. समाजातील एकोप्यामुळे मंदिर उभारणीसारखा मोठा उपक्रम यशस्वी होत असल्याचे चित्र या कार्यक्रमातून पाहायला मिळाले. संत तुकाराम महाराजांच्या विचारांचा प्रसार आणि समाजातील बंधुभाव दृढ करण्यासाठी अशा कार्यक्रमांचे महत्त्व मोठे असल्याचे यावेळी अधोरेखित करण्यात आले.