Equality Day : शिक्षणाचे प्रणेते, सार्वजनिक सत्यधर्माचे प्रवर्तक आणि राष्ट्रपिता महात्मा ज्योतिराव फुले यांच्या पुण्यस्मरणदिनानिमित्त जय बजरंग कनिष्ठ महाविद्यालय, कुंभारी येथे समता दिन उत्साहात साजरा करण्यात आला.
क्रांतीसूर्य महात्मा ज्योतिबा फुले यांना अभिवादन
बोरगाव मंजू : शिक्षणाचे प्रणेते, सार्वजनिक सत्यधर्माचे प्रवर्तक आणि राष्ट्रपिता महात्मा ज्योतिराव फुले यांच्या पुण्यस्मरणदिनानिमित्त जय बजरंग कनिष्ठ महाविद्यालय, कुंभारी येथे समता दिन उत्साहात साजरा करण्यात आला.कार्यक्रमाच्या अध्यक्षस्थानी महाविद्यालयाचे पर्यवेक्षक प्रा. श्रीराम पालकर होते. प्रमुख पाहुणे म्हणून प्रा. प्रफुल देशमुख, प्रा. शारदा बावनेर यांच्यासह अन्य मान्यवर उपस्थित होते.
कार्यक्रमाची सुरुवात क्रांतीसूर्य महात्मा फुले यांच्या प्रतिमेला पूजन व हार अर्पण करून अभिवादनाने झाली. यानंतर प्रा. शारदा उमाळे, प्रा. दिलीप अपतूरकर व प्रा. अशोक भराड यांनी महात्मा फुले आणि क्रांतिज्योती सावित्रीबाई फुले यांच्या सत्यशोधक, सामाजिक आणि शैक्षणिक कार्याची माहिती उपस्थितांना दिली.
या प्रसंगी बोलताना पर्यवेक्षक प्रा. श्रीराम पालकर म्हणाले की, महात्मा फुल्यांचे विचार प्रत्येक घराघरात रुजले पाहिजेत; त्यांची विचारसरणी आजही समृद्ध भारताच्या विकासासाठी तितकीच उपयुक्त आहे.
कार्यक्रमाचे संचालन व प्रास्ताविक प्रा. अशोक रहाटे यांनी केले, तर आभार प्रदर्शन प्रा. अपर्णा खुमकर यांनी मानले.
कार्यक्रमाच्या यशस्वीतेसाठी महाविद्यालयातील विद्यार्थी, प्राध्यापक व शिक्षकेतर कर्मचारी नारायणराव धनागरे, रवींद्र कल्याणकर यांनी सहकार्य केले.
