Case registered:  तहसीलदारांच्या फिर्यादीवरून अवैध मुरूम वाहतूक करणाऱ्या टिप्परचालकाविरुद्ध गुन्हा दाखल!

Case registered: मेहकर तालुक्यातील लोणीगवळी शिवारात विनापरवाना मुरूम वाहतूक करणाऱ्या पिवळ्या रंगाच्या टिप्परचालकाविरुद्ध डोणगाव पोलीस ठाण्यात गुन्हा दाखल करण्यात आला आहे. मेहकरचे तहसीलदार निलेश भिवाजी मडके यांच्या फिर्यादीवरून ही कारवाई करण्यात आली. या प्रकरणात अंदाजे दोन ब्रास मुरूम, ज्याची किंमत १३ हजार रुपये असल्याचे नमूद करण्यात आले आहे. मात्र, संबंधित टिप्परचालकाने तहसीलदारांनी परवान्याबाबत विचारणा करताच वाहनासह पळ काढल्याने या घटनेची चर्चा सुरू झाली आहे.

 परवाना मागताच टिप्परचालकाचा पळ; १३ हजारांच्या मुरुमाच्या चोरीप्रकरणी डोणगावात गुन्हा

डोणगाव : मेहकर तालुक्यातील लोणीगवळी शिवारात विनापरवाना मुरूम वाहतूक करणाऱ्या पिवळ्या रंगाच्या टिप्परचालकाविरुद्ध डोणगाव पोलीस ठाण्यात गुन्हा दाखल करण्यात आला आहे. मेहकरचे तहसीलदार निलेश भिवाजी मडके यांच्या फिर्यादीवरून ही कारवाई करण्यात आली. या प्रकरणात अंदाजे दोन ब्रास मुरूम, ज्याची किंमत १३ हजार रुपये असल्याचे नमूद करण्यात आले आहे. मात्र, संबंधित टिप्परचालकाने तहसीलदारांनी परवान्याबाबत विचारणा करताच वाहनासह पळ काढल्याने या घटनेची चर्चा सुरू झाली आहे.

नेमकी घटना काय?

मिळालेल्या माहितीनुसार, १५ ऑक्टोबर २०२६ रोजी मध्यरात्री सुमारे १२ वाजताच्या सुमारास मेहकरचे तहसीलदार तथा फिर्यादी निलेश भिवाजी मडके हे तलाठी काळे यांच्यासह शासकीय वाहन क्रमांक MH-28-BW-1974 ने लोणीगवळी रस्त्याने शासकीय कामासाठी जात होते. यावेळी लोणीगवळी गावाजवळ त्यांना MH-28-CF-7925 क्रमांकाचा पिवळ्या रंगाचा टिप्पर येताना दिसला.

तहसीलदार मडके यांना संशय आल्याने त्यांनी टिप्पर थांबवून चालकाकडे गौण खनिज वाहतुकीचा परवाना मागितला. मात्र, चालकाला परवाना दाखवता आला नाही. त्यानंतर चालकाने अचानक टिप्पर सुरू करून भरधाव वेगाने डोणगावच्या दिशेने पळ काढल्याचे फिर्यादीत नमूद आहे.

तहसीलदारांकडून पाठलाग; टिप्परचे छायाचित्र टिपले

घटनेची माहिती तहसीलदारांनी तत्काळ डोणगाव पोलीस ठाण्याच्या पोलीस निरीक्षकांना दिली. त्यानंतर त्यांनी शासकीय वाहनातून पसार झालेल्या टिप्परचा पाठलाग केला. संबंधित टिप्पर मादणी रस्त्याने निघून गेल्याचे सांगण्यात आले. या दरम्यान तहसीलदारांनी टिप्परच्या क्रमांकाचे छायाचित्रही कॅमेऱ्यात टिपले.

तहसीलदारांच्या लेखी फिर्यादीवरून डोणगाव पोलीस ठाण्यात कायम अप क्रमांक ३४१/२०२६, भारतीय न्याय संहिता (BNS) कलम ३०३(२) अन्वये गुन्हा दाखल करण्यात आला आहे. या प्रकरणाचा पुढील तपास ठाणेदारांच्या आदेशानुसार पोलीस हवालदार संजय घिके करीत आहेत.