Subodh Gavai: वाढदिवस म्हणजे केवळ केक कापणे, बॅनर, होर्डिंग्ज, फटाके किंवा अनावश्यक खर्च नव्हे, तर समाजाप्रती असलेली जबाबदारी आणि कृतज्ञता व्यक्त करण्याचे माध्यम असल्याचे उदाहरण बोरगाव मंजू येथील सामाजिक कार्यकर्ते सुबोध गवई यांनी घालून दिले आहे. आपल्या वाढदिवसानिमित्त त्यांनी स्वखर्चातून येथील मोक्षधामात विविध लोकोपयोगी सुविधा उपलब्ध करून देत स्मशानभूमीचा कायापालट केला.
बॅनर-फटाक्यांऐवजी समाजकार्यास प्राधान्य; मोक्षधामात २०० वृक्षांचे रोपण व बैठक व्यवस्था
बोरगाव मंजू : वाढदिवस म्हणजे केवळ केक कापणे, बॅनर, होर्डिंग्ज, फटाके किंवा अनावश्यक खर्च नव्हे, तर समाजाप्रती असलेली जबाबदारी आणि कृतज्ञता व्यक्त करण्याचे माध्यम असल्याचे उदाहरण बोरगाव मंजू येथील सामाजिक कार्यकर्ते सुबोध गवई यांनी घालून दिले आहे. आपल्या वाढदिवसानिमित्त त्यांनी स्वखर्चातून येथील मोक्षधामात विविध लोकोपयोगी सुविधा उपलब्ध करून देत स्मशानभूमीचा कायापालट केला.
या उपक्रमांतर्गत मोक्षधाम परिसरात २०० वृक्षांचे वृक्षारोपण, नागरिकांसाठी बैठक बेंचची व्यवस्था तसेच परिसराचे सुशोभीकरण करण्यात आले. पर्यावरण संवर्धनासह मोक्षधाम परिसर अधिक स्वच्छ, हिरवागार आणि सुविधायुक्त करण्याचा प्रयत्न या माध्यमातून करण्यात आला.
सुबोध गवई यांनी वाढदिवसानिमित्त बॅनर, होर्डिंग्ज, फटाके आणि इतर अनावश्यक खर्चाला फाटा देत तो निधी समाजोपयोगी कार्यासाठी खर्च केला. अशा उपक्रमांमुळे समाजात सकारात्मक संदेश जात असून, इतरांनीही वाढदिवस किंवा इतर आनंदाचे क्षण समाजसेवेतून साजरे करावेत, अशी प्रेरणा मिळत आहे.
यावेळी त्यांनी रक्तदान शिबिर, वृक्षारोपण, रुग्णांना फळवाटप, विद्यार्थ्यांना शालेय साहित्य वाटप यांसारख्या समाजोपयोगी उपक्रमांचेही महत्त्व अधोरेखित केले. स्वतःचा वाढदिवस केवळ वैयक्तिक आनंदापुरता मर्यादित न ठेवता समाजाच्या हितासाठी साजरा केल्याने परिसरातून त्यांच्या उपक्रमाचे कौतुक होत आहे.
या सामाजिक उपक्रमात संजयजी गवई, बंटी भाऊ मांगे, देवानंद मोहोड, पंकज शेंडे, मनोज जामनिक, शुभम तायडे, सनी इंगळे तसेच सुबोध गवई मित्र मंडळ यांनी सक्रिय सहभाग नोंदविला.
सुबोध गवई यांच्या या अभिनव उपक्रमाचे बोरगाव मंजू परिसरासह विविध स्तरांतून स्वागत होत असून, वाढदिवसानिमित्त राबविण्यात आलेल्या या समाजोपयोगी कार्याचे सर्वत्र कौतुक केले जात आहे.
