A speeding bus : रस्ता ओलांडत असलेल्या दुचाकीला भरधाव बसने धडक दिल्याने पती जागीच ठार तर पत्नी गंभीर जखमी झाली. ही घटना चिखली ते जालना मार्गावरील बेराळा फाट्याजवळ २३ फेब्रुवारीच्या सकाळी ९ वाजता घडली. संजय पांडुरंग गायकवाड (वय ५८) रा. केळवद असे मृतकाचे नाव आहे.
चिखली-जालना मार्गावर बेराळा फाट्यावरील घटना; देवदर्शनाला निघालेल्या दाम्पत्यावर काळाचा घाला
चिखली : रस्ता ओलांडत असलेल्या दुचाकीला भरधाव बसने धडक दिल्याने पती जागीच ठार तर पत्नी गंभीर जखमी झाली. ही घटना चिखली ते जालना मार्गावरील बेराळा फाट्याजवळ २३ फेब्रुवारीच्या सकाळी ९ वाजता घडली. संजय पांडुरंग गायकवाड (वय ५८) रा. केळवद असे मृतकाचे नाव आहे.
जिल्ह्यातील इतर बातम्या वाचण्यासाठी बुलढाणा या पेजला भेट द्या
चिखली तालुक्यातील केळवद येथील संजय पांडुरंग गायकवाड (वय ५८) व पत्नी शीला गायकवाड (वय ५०) हे दाम्पत्य २३ फेब्रुवारीच्या सकाळी जांभोरा येथे दर्शनासाठी जात होते. चिखली ते जालना मार्गावर बेराळा फाट्यावर रस्ता ओलांडताना जालन्याकडून भरधाव वेगात आलेल्या एमएच-१४-एमएच-०८७२ क्रमांकाच्या संभाजीनगर ते हिंगणघाट या बसने दुचाकीला जबरदस्त धडक दिली. या धडकेत पती संजय गायकवाड जागीच ठार झाले, तर पत्नी शीला गायकवाड यांच्या डोक्याला गंभीर मार लागला. त्यांना उपचारासाठी खासगी रुग्णालयात दाखल करण्यात आले. त्यांची प्रकृती चिंताजनक आहे.घटनेची माहिती मिळताच पोलिसांनी घटनास्थळावर धाव घेतली. तसेच जखमी महिलेस तातडीने उपचारासाठी हलविले. तसेच मृतकाचे प्रेत उत्तरीय तपासणीसाठी पाठविले.या प्रकरणी पुढील तपास चिखली पोलीस करीत आहेत.
