A fire broke :घर बंद असताना आग भडकली; अर्ध्या तासाने गॅस सिलिंडरचा स्फोट! शेतमजूर कुटुंबाचे मोठे नुकसान

A fire broke : तालुक्यातील कसारखेड येथे घर बंद असताना अचानक आग लागून संसारोपयोगी साहित्याचे मोठे नुकसान झाल्याची घटना घडली. श्रीमती यामुनाबाई बळकृष्णा इंगले यांच्या घरातील सदस्य धम्मचक्र प्रवर्तन दिनानिमित्त आयोजित मिरवणुकीसाठी बाहेर गेले होते. याचदरम्यान घरातून धूर निघत असल्याचे शेजाऱ्यांच्या निदर्शनास आले. त्यांनी तत्काळ फोनद्वारे कुटुंबीयांना घटनेची माहिती दिली.

 धम्मचक्र प्रवर्तन दिनाच्या मिरवणुकीला गेले कुटुंब; इकडे घराला आग, सिलिंडरच्या स्फोटाने खळबळ

बाळापूर : तालुक्यातील कसारखेड येथे घर बंद असताना अचानक आग लागून संसारोपयोगी साहित्याचे मोठे नुकसान झाल्याची घटना घडली. श्रीमती यामुनाबाई बळकृष्णा इंगले यांच्या घरातील सदस्य धम्मचक्र प्रवर्तन दिनानिमित्त आयोजित मिरवणुकीसाठी बाहेर गेले होते. याचदरम्यान घरातून धूर निघत असल्याचे शेजाऱ्यांच्या निदर्शनास आले. त्यांनी तत्काळ फोनद्वारे कुटुंबीयांना घटनेची माहिती दिली.

आग लागल्यानंतर अंदाजे अर्ध्या तासाने घरातील गॅस सिलिंडरचा स्फोट झाल्याने आगीने अधिक उग्र रूप धारण केले. त्यामुळे परिसरात काही काळ खळबळ उडाली. आग नेमकी कशामुळे लागली, हे अद्याप स्पष्ट झालेले नाही.

नागरिकांची धावपळ; अग्निशमन दल घटनास्थळी

घटनेची माहिती मिळताच परिसरातील शेजारी आणि नागरिकांनी तातडीने मदतीसाठी धाव घेतली. संबंधित नगरसेवकांनी परिसरातील नळ सुरू करण्याच्या सूचना देत वॉलमनला पाणीपुरवठा सुरू करण्यास सांगितले. दरम्यान, नगरपालिकेची अग्निशमन गाडीही घटनास्थळी दाखल झाली.

नागरिक आणि अग्निशमन दलाच्या संयुक्त प्रयत्नांमुळे आगीवर नियंत्रण मिळविण्यात यश आले. वेळीच मदतकार्य सुरू झाल्याने आग आटोक्यात आणण्यासाठी प्रयत्न करता आले.

संसारोपयोगी साहित्याचे नुकसान; आर्थिक मदतीची अपेक्षा

या आगीत फ्रिज, वॉशिंग मशीन, टीव्ही, कपाट, फर्निचर, गाद्या, खुर्च्या, भांडी, कपडे आणि इतर घरगुती साहित्याचे नुकसान झाल्याची नोंद पंचनाम्यात करण्यात आली आहे. शेतमजुरी करून आपल्या कुटुंबाचा उदरनिर्वाह करणाऱ्या इंगले कुटुंबावर या घटनेमुळे आर्थिक संकट ओढवले आहे.

नुकसान पंचनाम्यात तलाठी स्तरावरील अधिकाऱ्यांसह पंच सज्जाद अहमद, अब्बू अंसारी आणि प्रेम वरुडकर यांची नावे नमूद आहेत. संबंधित प्रशासनाने नुकसानीची सविस्तर पडताळणी करून शासनाच्या नियमानुसार पात्रतेप्रमाणे आर्थिक मदत उपलब्ध करून द्यावी, अशी अपेक्षा व्यक्त होत आहे.

आगीच्या या घटनेमुळे कुटुंबाचे मोठे नुकसान झाले असून, या संकटातून सावरण्यासाठी प्रशासनाकडून मदतीचा हात मिळण्याची गरज आहे.