A 14-year-old boy : तालुक्यातील किन्ही पवार गावातून एक १४ वर्षीय अल्पवयीन मुलगा अचानक बेपत्ता झाल्याची घटना समोर आली असून, या प्रकरणी देऊळगाव राजा पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे.
देऊळगाव राजा : तालुक्यातील किन्ही पवार गावातून एक १४ वर्षीय अल्पवयीन मुलगा अचानक बेपत्ता झाल्याची घटना समोर आली असून, या प्रकरणी देऊळगाव राजा पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे.
या प्रकरणी रेखा फकीरा खरात (वय ३४ वर्षे, रा. किन्ही पवार, ता. देऊळगाव राजा, जि. बुलढाणा) यांनी फिर्याद दिली आहे. फिर्यादीच्या तक्रारीनुसार, त्यांचा अल्पवयीन मुलगा यश फकीरा खरात (वय १४ वर्षे) हा दि. २७ जानेवारी २०२६ रोजी सकाळी सुमारे ११.३० वाजता घरातून कोणालाही काहीही न सांगता निघून गेला असून अद्याप तो परतलेला नाही. मुलाची उंची अंदाजे ५ फूट, रंग गोरा, अंगात काळ्या रंगाची जिन्स पॅन्ट व फुल बाह्यांचे काळ्या रंगाचे शर्ट असा पोशाख होता.
कुटुंबीयांनी सर्व नातेवाईक, मित्रपरिवार तसेच आजूबाजूच्या परिसरात शोध घेतला असता मुलाचा कोणताही मागमूस लागलेला नसल्याने अखेर पोलिसांकडे धाव घेतली. फिर्यादीच्या तोंडी रिपोर्टवरून देऊळगाव राजा पोलीस ठाण्यात गुन्हा दाखल करण्यात आला आहे. हा गुन्हा दि. २८ जानेवारी २०२६ रोजी सायंकाळी ४.३३ वाजता नोंदवण्यात आला. हा गुन्हा मपोहेकॉ सुषमा उईके (बन क्र. १७८५) यांनी दाखल केला असून, पोउपनि. ढाकणे यांच्या मार्गदर्शनाखाली पुढील तपास सुरू आहे. पोलिसांकडून परिसरातील माहिती, नागरिकांकडून मिळणारे धागेदोरे तसेच इतर तांत्रिक बाबींच्या आधारे अल्पवयीन मुलाचा शोध घेण्याचे प्रयत्न सुरू आहेत.
