Controversy over  :नगर परिषद शाळांचा दर्जा उंचावण्याच्या प्रयत्नांवरून वाद? प्रशासन अधिकाऱ्याचा अपमान; बाळापूरमध्ये संताप

Controversy over  :बाळापूर शहरात नगर पालिकांच्या शाळांचा शैक्षणिक दर्जा उंचावण्यासाठी प्रशासनाने पुढाकार घेतला आहे. या शाळांचा शैक्षणिक व भौतिक दर्जा उंचावण्यासाठी नव्याने रुजू झालेल्या प्रशासन अधिकारी (शिक्षण) यांनी सुरू केलेल्या उपक्रमांमुळे काहींच्या हितसंबंधांना धक्का बसत असल्याची चर्चा शहरात रंगली आहे. याच पार्श्वभूमीवर एका नगरसेवकाने संबंधित अधिकाऱ्यांशी कथितरीत्या अपमानास्पद वर्तन केल्याची घटना समोर आली असून, शहरात तीव्र संताप व्यक्त होत आहे.

अकोला : बाळापूर शहरात नगर पालिकांच्या शाळांचा शैक्षणिक दर्जा उंचावण्यासाठी प्रशासनाने पुढाकार घेतला आहे. या शाळांचा शैक्षणिक व भौतिक दर्जा उंचावण्यासाठी नव्याने रुजू झालेल्या प्रशासन अधिकारी (शिक्षण) यांनी सुरू केलेल्या उपक्रमांमुळे काहींच्या हितसंबंधांना धक्का बसत असल्याची चर्चा शहरात रंगली आहे. याच पार्श्वभूमीवर एका नगरसेवकाने संबंधित अधिकाऱ्यांशी कथितरीत्या अपमानास्पद वर्तन केल्याची घटना समोर आली असून, शहरात तीव्र संताप व्यक्त होत आहे.

सूत्रांच्या माहितीनुसार, नगरपरिषद शाळांचा दर्जा वाढल्यास खाजगी शाळांवर परिणाम होण्याची शक्यता असल्याने काही ठिकाणी अस्वस्थता निर्माण झाली आहे. याच कारणातून संबंधित नगरसेवकाने आपला राग प्रशासन अधिकाऱ्यावर काढल्याची चर्चा आहे. हा प्रकार नगरपरिषदेच्या परिसरात घडल्याचे सांगितले जात असून, उपस्थित कर्मचाऱ्यांमध्येही भीतीचे वातावरण आहे.

घटनेनंतर शिक्षक, पालक व सामाजिक संघटनांनी संताप व्यक्त करत, “शिक्षण क्षेत्राशी संबंधित अधिकाऱ्यांचा अपमान सहन केला जाणार नाही,” अशी ठाम भूमिका घेतली आहे. लोकप्रतिनिधींनी जबाबदारीने वागावे, अशी मागणी होत असून दोषींवर तात्काळ कारवाईची मागणी जोर धरत आहे.

दरम्यान, प्रशासनाकडून अद्याप अधिकृत प्रतिक्रिया आलेली नसून, या प्रकरणी काय कारवाई होते याकडे सर्वांचे लक्ष लागले आहे.  अशा बेशिस्त वर्तनाला लगाम लागणार का? असा प्रश्न आता उपस्थित होत आहे.