Speeding Cargo Vehicle : भरधाव मालवाहू बोलेरो पिकअपने दुचाकीस धडक दिल्याने युवक जागीच ठार झाला. ही घटना चिखली-मेहकर मार्गावरील कोलारा फाट्यानजिक १८ एप्रिल रोजी घडली. विनोद एकनाथ चेके (वय ३७, रा.देऊळगाव घुबे, ता.चिखली) असे मृतक युवकाचे नाव आहे.
चिखली-मेहकर मार्गावरील कोलारा फाट्यानजिकची घटना
चिखली : भरधाव मालवाहू बोलेरो पिकअपने दुचाकीस धडक दिल्याने युवक जागीच ठार झाला. ही घटना चिखली-मेहकर मार्गावरील कोलारा फाट्यानजिक १८ एप्रिल रोजी घडली. विनोद एकनाथ चेके (वय ३७, रा.देऊळगाव घुबे, ता.चिखली) असे मृतक युवकाचे नाव आहे.
चिखली तालुक्यातील दे.घुबे येथील विनोद चेके हे त्यांच्या एमएच २८ बीपी ५९२ क्रमांकाच्या अपाचे मोटरसायकलवरून मेहकरकडे जात होते. दरम्यान, कोलारा फाट्याजवळ समोरून येणाऱ्या एमएच २८ बीबी ३५६१ क्रमांकाच्या बोलेरो पिकअपने चेके यांच्या दुचाकीला धडक दिली. ही धडक एवढी भीषण होती की मृतक विनोद चेके हे दुचाकीसह सुमारे ५० फूट फरफटत गेल्यानंतर रस्त्याच्या कडेला काटेरी झुडपात जाऊन अडकला. या अपघातात मृतकास अंत्यत गंभीर मार लागल्याने जागीच मृत्यू झाला आहे. घटनास्थळावरील दृश्य थरकाप उडवणारी होते. दरम्यान अपघाताची माहिती मिळताच घटनास्थळी दाखल झालेल्या पोलिसांनी मृतदेह उत्तरीय तपासणीसाठी चिखली उपजिल्हा रूग्णालयात हलवला.
