Youth Dies : नळाचे पाणी भरत असताना एकाचा वीजेच्या धक्याने मृत्यू झाला. ही घटना तालुक्यातील देऊळगावमही येथे सोमवारी (दि. ३० मार्च) सायंकाळी घडली. गणेश आश्रुबा बनसोडे (वय ४०, रा. देऊळगावमही, ता. देऊळगाव राजा, जि. बुलढाणा) असे मृतकाचे नाव आहे.
देऊळगाव राजा : नळाचे पाणी भरत असताना एकाचा वीजेच्या धक्याने मृत्यू झाला. ही घटना तालुक्यातील देऊळगावमही येथे सोमवारी (दि. ३० मार्च) सायंकाळी घडली. गणेश आश्रुबा बनसोडे (वय ४०, रा. देऊळगावमही, ता. देऊळगाव राजा, जि. बुलढाणा) असे मृतकाचे नाव आहे.
सोमवारी सायंकाळी सुमारे ७ वाजताच्या सुमारास ते घराजवळील नळाची मोटार सुरू करत होते. यावेळी अचानक विजेचा करंट लागल्याने ते गंभीररीत्या जखमी झाले. घटनेनंतर त्यांना तत्काळ मदतीचा प्रयत्न करण्यात आला; मात्र त्यांचा जागीच मृत्यू झाल्याचे समोर आले.
या प्रकरणी मृताचे भाऊ विष्णू आश्रुबा बनसोडे (वय ४६, व्यवसाय चहा हॉटेल, रा. देऊळगावमही) यांनी देऊळगाव राजा पोलीस ठाण्यात माहिती दिली. त्यांच्या फिर्यादीवरून कायम मर्ग क्रमांक ०९/२०२६ नुसार आकस्मिक मृत्यूची नोंद करण्यात आली आहे.
या घटनेची नोंद पोलीस हेड कॉन्स्टेबल विनोद गवई यांनी रात्री ९.५६ वाजता केली. प्राथमिक अहवाल आणि अकस्मात मृत्यू क्रमांक ५१/२०२६ नुसार पुढील तपास पोलीस हेड कॉन्स्टेबल कलीम देशमुख यांच्याकडे सोपविण्यात आला आहे. अचानक घडलेल्या या घटनेमुळे देऊळगावमही परिसरात शोककळा पसरली असून बनसोडे कुटुंबावर दुःखाचा डोंगर कोसळला आहे. गावातील नागरिकांनी हळहळ व्यक्त करत कुटुंबीयांना धीर दिला.
