Old Ex-Serviceman Passes Away :शहरातील माजी सैनिक वसंता जगन्नाथ घडेकर (वय ७२) यांचे आकस्मिक निधन झाल्याने परिसरात हळहळ व्यक्त होत आहे. गुरुवार, २६ मार्च रोजी सायंकाळी साडेसहा वाजताच्या सुमारास त्यांची अचानक प्रकृती बिघडली.
मोताळा : शहरातील माजी सैनिक वसंता जगन्नाथ घडेकर (वय ७२) यांचे आकस्मिक निधन झाल्याने परिसरात हळहळ व्यक्त होत आहे. गुरुवार, २६ मार्च रोजी सायंकाळी साडेसहा वाजताच्या सुमारास त्यांची अचानक प्रकृती बिघडली.
घडलेला प्रकार लक्षात येताच नातेवाईकांनी तातडीने त्यांना मोताळा येथील ग्रामीण रुग्णालयात उपचारासाठी दाखल केले. मात्र, डॉक्टरांनी तपासणीअंती त्यांना मृत घोषित केले.
या प्रकरणी डॉ. आर. आर. चव्हाण ग्रामीण रुग्णालयाच्या वतीने कक्षसेवक अमरदीप मिसाळ यांच्या फिर्यादीवरून बोराखेडी पोलिस ठाण्यात आकस्मिक मृत्यूची नोंद करण्यात आली आहे. त्यांच्या मृत्यूचे नेमके कारण अद्याप स्पष्ट झालेले नाही. मृत वसंता घडेकर यांच्या पश्चात पत्नी, एक मुलगा, सून, तीन मुली व नातवंडे असा मोठा परिवार आहे. त्यांच्या निधनाने कुटुंबीयांसह परिसरात शोककळा पसरली आहे.
