MLA Cup Cricket Tournament : मलकापूर पांगरा येथील साई सरकार क्रिकेट क्लबच्या वतीने आयोजित २०२६ आमदार चषक क्रिकेट स्पर्धेचे खुले सामने मोठ्या उत्साहात व जल्लोषात पार पडले. स्पर्धेचे बक्षीस वितरण 30 जानेवारी रोजी मान्यवरांच्या हस्ते करण्यात आले.
फकीरा पठाण
मलकापूर पांग्रा : मलकापूर पांगरा येथील साई सरकार क्रिकेट क्लबच्या वतीने आयोजित २०२६ आमदार चषक क्रिकेट स्पर्धेचे खुले सामने मोठ्या उत्साहात व जल्लोषात पार पडले. स्पर्धेचे बक्षीस वितरण 30 जानेवारी रोजी मान्यवरांच्या हस्ते करण्यात आले.
या आमदार चषक क्रिकेट स्पर्धेत शहरी गटातून संभाजीनगर संघाने प्रथम क्रमांक पटकावला, तर ग्रामीण गटात साखरखेर्डा संघाने प्रथम आणि दरेगाव संघाने द्वितीय क्रमांक मिळवला. शहरी संभाजीनगर संघाला प्रथम बक्षीस आशिष दाभेरे यांच्या हस्ते, ग्रामीण साखरखेर्डा संघाला प्रथम बक्षीस बीबीचे सरपंच दीपक गुलमोहर यांच्या हस्ते, तर ग्रामीण दरेगाव संघाला द्वितीय बक्षीस प्रदीप कुहीटे (पी.के. सर) यांच्या हस्ते प्रदान करण्यात आले.
स्पर्धेचे उद्घाटन माननीय आमदार मनोजभाऊ कांयदे यांचे बंधू सतीशभाऊ कांयदे, नगरपरिषद देवळगाव राजा येथील गटनेते प्रदीप उर्फ छोटूभाऊ, साखरखेडा पोलीस स्टेशनचे ठाणेदार गजानन करेवाड, बीबी पोलीस स्टेशनचे एपीआय चंद्रकांत पाटील, मांडवा सरपंच राजेभाऊ कुहीटे, बीबी उपसरपंच भास्करभाऊ खुळे आदी मान्यवरांच्या हस्ते करण्यात आले होते.
२०२६ आमदार चषक स्पर्धेसाठी प्रथम बक्षीस : ५१,००० रुपये, द्वितीय बक्षीस : ३१,००० रुपये, तृतीय बक्षीस : २१,००० रुपये यासह उत्कृष्ट खेळाडूंना सायकल, शूज, तसेच मॅन ऑफ द मॅचसाठी २,१०० रुपये अशी विविध आकर्षक बक्षिसे ठेवण्यात आली होती. ही स्पर्धा साई सरकार क्रिकेट ग्राउंड अकॅडमी, दुसरबीड फाटा, मलकापूर पांग्रा येथे आयोजित करण्यात आली.
