Jalindar Budhwat :तालुक्यातील मासरूळ जिल्हा परिषद सर्कल अंतर्गत येणाऱ्या गुम्मी येथे कुस्तीची जुनी व समृद्ध परंपरा जपली जात असून, दरवर्षीप्रमाणे यंदाही येथे कुस्त्यांची भव्य दंगल उत्साहात पार पडली. वडिलोपार्जित कुस्ती परंपरा लाभलेल्या या गावात आजही अनेक पिढ्यांपासून जातिवंत पैलवानांची परंपरा कायम आहे. येथील पैलवानांचे वडील, आजोबा, पंजोबा हे सर्व नामवंत मल्ल असल्याने गुम्मीचा आखाडा पंचक्रोशीत प्रसिद्ध आहे.
पंडित सावळे
मासरूळ : तालुक्यातील मासरूळ जिल्हा परिषद सर्कल अंतर्गत येणाऱ्या गुम्मी येथे कुस्तीची जुनी व समृद्ध परंपरा जपली जात असून, दरवर्षीप्रमाणे यंदाही येथे कुस्त्यांची भव्य दंगल उत्साहात पार पडली. वडिलोपार्जित कुस्ती परंपरा लाभलेल्या या गावात आजही अनेक पिढ्यांपासून जातिवंत पैलवानांची परंपरा कायम आहे. येथील पैलवानांचे वडील, आजोबा, पंजोबा हे सर्व नामवंत मल्ल असल्याने गुम्मीचा आखाडा पंचक्रोशीत प्रसिद्ध आहे.
या कुस्ती दंगलीत राज्यातील विविध भागांतून नावाजलेले पैलवान सहभागी झाले होते. रंगलेल्या कुस्त्यांनी उपस्थित प्रेक्षकांचे लक्ष वेधून घेतले. या निमित्ताने शिवसेना (उद्धव बाळासाहेब ठाकरे) बुलढाणा जिल्हाप्रमुख जालिंदर बुधवत यांनी कुस्तीच्या आखाड्याला भेट देत पैलवानांच्या पाठीवर शाबासकीची व कौतुकाची थाप दिली. कुस्ती परंपरा जपणाऱ्या गुम्मी गावाचे त्यांनी विशेष कौतुक केले.
यावेळी अनिल नरोटे, शिवसेना तालुका प्रमुख विजय इतवारे, गजानन धांडे, सरपंच पती नंदकिशोर हुंडीवाले, ग्रामपंचायत सदस्य, तंटामुक्ती समितीचे अध्यक्ष, पोलीस पाटील, बीट जमादार सुनील सोनुने यांच्यासह ग्रामस्थ मोठ्या संख्येने उपस्थित होते. कुस्तीच्या या भव्य दंगलीमुळे गुम्मी गावात उत्साहाचे वातावरण निर्माण झाले होते.
