Khadakpurna ‘overflow’;  खडकपूर्णा ‘ओव्हर फ्लो’; १९ दरवाजे दीड मिटरने उघडले 

 देऊळगाव राजा/देऊळगाव मही : बुलढाणा जिल्ह्यातील सर्वात माेठा प्रकल्प असलेल्या खडकपूर्णा प्रकल्प ओव्हर फ्लाे झाला प्रकल्पाची सर्वच १९ गेट उघडण्यात आली आहेत.ही सर्व गेट तब्बल दीड मिटरने उघडण्यात आली असून एक लाख ४ हजार २४२ घ. फुट/सें.क्युमेक पाण्याचा विसर्ग नदीपात्रात करण्यात येत आहे. त्यामुळे, खडकपूर्णा नदीला पूर आला असून धरणाखालील लहान पुल वाहतुकीसाठी बंद करण्यात आला आहे.

जिल्ह्यात सिंचनासह पाणीपुरवठा याेजनेसाठी महत्वाचे असलेल्या संत चाेखासागर प्रकल्पाच्या क्षेत्रात जाेरदार पाउस झाला आहे. त्यामुळे, प्रकल्पाच्या जलसाठ्यात वाढ झाली आहे. सध्या प्रकल्प १०० टक्के भरला आहे.या प्रकल्पाचा प्रकल्पीय संचयीत साठा ९३.४० दलघमी आहे व पूर्ण संचय पातळी ५२०.५० मीटर आहे. प्रकल्पात सद्यस्थितीत ५२९ मीटर जलाशय पातळी आहे. प्रकल्पाचे पाणी प्रकल्प शेजारील गावात शिरू शकते, त्यामुळे सर्व म्हणजे १९ दरवाजे दीड मिटरने उघडण्यात आले असून नदीपात्रात पाणी सोडले आहे.त्यामुळे खडकपूर्ण नदीला पूर आहे.

 धरणाखालील टाकरखेड भागिले शिवारात देऊळगाव राजा चिखली रोड वर या ठिकाणी जुना पूल होता त्याची उंची कमी असल्यामुळे गेल्या काही वर्षांपूर्वी त्या ठिकाणी उंचीच्या फुलाची निर्मिती करण्यात आली होती. रहदारी आणि वाहनांची संख्या पाहता दोन्ही पुलावरून रहदारी कायम होती. बहुतांश वेळी वाहनधारक संबंधित लहान पुलाचा ( जुना पूल ) वापर वाहन धारक करत होते. हो आता सध्या स्थिती मध्ये पोलीस प्रशासनाच्या बंदोबस्तात बंद करण्यात आला आहे त्या ठिकाणीच असलेल्या पर्यायी पुलाचा वापर वाहन धारक करत आहेत. प्रकल्पाच्या क्षेत्रात आणखी पाउस झाल्यास प्रकल्पातून विसर्ग वाढवण्यात येणार आहे.

नदीकाठावरील गावापैकी देऊळगाव राजा तालुक्यातील निमगाव गुरू, सावंगी टेकाळे, डिग्रस बुद्रुक, डिग्रस खुर्द, टाकरखेड वायाळ, टाकरखेड भागिले, सिंदखेड राजा तालुक्यातील निमगाव वायाळ, साठेगाव, हिवरखेड, राहेरी खुर्द, तडेगाव, राहेरी बुद्रुक, ताडशिवणी, देवखेड, पिंपळगाव कुंडा, लिंगा आणि लोणार तालुक्यातील खापरखेडा, रायगाव व सावरगाव तेली गावाना सतर्कतेचा इशारा देण्यात आला आहे. महसूल विभागाकडून सतर्कतेचा इशारा खडक पूर्ण प्रकल्पाचे सर्वच दरवाजे उघडले असल्याने नदीपात्रात मोठ्या प्रमाणात पाण्याचा विसर्ग चालू आहे त्याचबरोबर धरण क्षेत्रात तसेच नदीपात्राच्या क्षेत्रामध्ये पाऊसही पडत असल्याने खडकपूर्णा नदीला पूर आलेला आहे या काळामध्ये काठावरील तसेच इतर गावातील नागरिकांनी दक्षता घेणे गरजेचे आहे आपले पाळीव प्राणी तसेच इतर नदीकाठावर काही असेल तर त्या ठिकाणी कोणीही जाऊ नये आणि येणाऱ्या काही काळांसाठी सावध राहावे, असे आवाहन उपविभागीय अधिकारी प्रा. संजय खडसे तसेच तहसीलदार वैशाली डोंगरजाळ यांनी केले आहे..