summer sesame : तेलबिया उत्पादन वाढवून देशाचा खाद्यतेल आयातीवरील खर्च कमी करण्याच्या उद्देशाने राबविण्यात येणाऱ्या राष्ट्रीय खाद्य तेल अभियान – तेलबिया गळीतधान्य (२०२५-२६) अंतर्गत बुलडाणा जिल्ह्यातील शेतकऱ्यांना उन्हाळी तिळ पिकासाठी १००% अनुदानावर प्रमाणित बियाणे मिळणार आहेत. जिल्हा अधिक्षक कृषी अधिकारी, बुलडाणा मनोजकुमार ढगे यांनी शेतकऱ्यांना यासाठी तातडीने अर्ज करण्याचे आवाहन केले आहे.
शेतकऱ्यांना अर्ज करण्याचे आवाहन; राष्ट्रीय खाद्य तेल अभियानांतर्गत संधी
बुलढाणा : तेलबिया उत्पादन वाढवून देशाचा खाद्यतेल आयातीवरील खर्च कमी करण्याच्या उद्देशाने राबविण्यात येणाऱ्या राष्ट्रीय खाद्य तेल अभियान – तेलबिया गळीतधान्य (२०२५-२६) अंतर्गत बुलडाणा जिल्ह्यातील शेतकऱ्यांना उन्हाळी तिळ पिकासाठी १००% अनुदानावर प्रमाणित बियाणे मिळणार आहेत. जिल्हा अधिक्षक कृषी अधिकारी, बुलडाणा मनोजकुमार ढगे यांनी शेतकऱ्यांना यासाठी तातडीने अर्ज करण्याचे आवाहन केले आहे.
अनुदानाच्या महत्त्वाच्या बाबी
- उन्हाळी हंगाम २०२५ साठी तिळ बियाणे उपलब्ध
- प्रमाणित बियाणे — हेक्टरी २.५ किलो
- रक्कम : रु. १९७ प्रति किलो
- बियाणे १००% केंद्र शासन अनुदानावर
- किमान ०.२० हेक्टर — कमाल १ हेक्टर क्षेत्रापर्यंत लाभ
- पॅकिंग साईजनुसार जादा बियाणे लागल्यास अतिरिक्त रक्कम शेतकऱ्यांनी भरणे आवश्यक
अर्ज कसा करावा?
शेतकऱ्यांना अर्ज करण्यासाठी खालील संकेतस्थळावर लॉगइन करावे :
https://mahadbt.maharashtra.gov.in/Farmer/AgriLogin/AgriLogin
या पोर्टलवर “प्रमाणित बियाणे वितरण – पिक प्रात्यक्षिके – औषधे – खते” या टाईलमध्ये तिळाच्या बियाण्यांसाठी अर्ज करण्याची सुविधा उपलब्ध आहे.
Agristack नोंदणी अनिवार्य
१००% अनुदानाचा लाभ घेण्यासाठी शेतकऱ्यांची Agristack वर नोंदणी असणे बंधनकारक आहे.
प्रथम अर्ज – प्रथम प्राधान्य (FCFS)
बियाणे वाटप पहिले अर्ज करणाऱ्या शेतकऱ्यांना प्रथम या तत्त्वावर होणार असल्याने इच्छुकांनी विलंब न करता लगेच अर्ज करावा.
अधिक माहितीसाठी
नजीकच्या तालुका कृषी अधिकारी कार्यालयाशी संपर्क साधावा, असेही आवाहन करण्यात आले आहे.
