Woman abused : पातूर पोलिस स्टेशन हद्दीतील माझोड येथे रस्त्याच्या वादातून महिलेवर शिवीगाळ, जीवे मारण्याची धमकी आणि विनयभंग केल्याची धक्कादायक घटना ९ डिसेंबर २०२५ रोजी रात्री घडली आहे. या प्रकरणी तिघा आरोपींविरुद्ध विनयभंगासह विविध कलमान्वये गुन्हा दाखल करण्यात आला आहे.
पातूर पोलिसात गुन्हा दाखल
पातूर : पातूर पोलिस स्टेशन हद्दीतील माझोड येथे रस्त्याच्या वादातून महिलेवर शिवीगाळ, जीवे मारण्याची धमकी आणि विनयभंग केल्याची धक्कादायक घटना ९ डिसेंबर २०२५ रोजी रात्री घडली आहे. या प्रकरणी तिघा आरोपींविरुद्ध विनयभंगासह विविध कलमान्वये गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी व आरोपी यांच्यात रस्त्याशी संबंधित वाद जुना असून, घटनादिवशी रात्री आठ वाजता फिर्यादी महिला घराबाहेर असताना आरोपींनी शिवीगाळ करत जीवे मारण्याची धमकी दिली. यावेळी फिर्यादीचा हात पकडून व वस्त्र ओढून विनयभंग केल्याचे तक्रारीत नमूद आहे.
या प्रकरणी महिलेच्या फिर्यादीवरून श्रावण गंगाराम वाघमारे (58), राजू श्रावण वाघमारे (42), योगेश श्रावण वाघमारे (39) (सर्व रा. माझोड, ता. पातूर, जि. अकोला) यांच्याविरुद्ध कलम 74, 75, 76, 115, 296, 352, 351(2), 3(5) BNS नुसार विनयभंगाचा गुन्हा नोंदवला आहे.या प्रकरणाचा पुढील तपास पातूर पोलीस स्टेशनचे पोलीस उपनिरीक्षक गजानन तडसे करीत आहेत.
