Mahabreaking

[breaking_news]

Cruel transport :४४ गोवंशीय जनावरांची निर्दयी वाहतूक; ४८.८० लाखांचा मुद्देमाल जप्त

Cruel transport : गोवंशीय जनावरांची निर्दयतेने वाहतूक करणाऱ्यांविरुद्ध देऊळगाव राजा पोलिसांनी कारवाई केली आहे. देऊळगावमही ते खैरव मार्गावर मध्यरात्री केलेल्या कारवाईत तब्बल ४४ गोवंशीय जनावरे आणि वाहतुकीसाठी वापरण्यात येणारी सहा वाहने असा एकूण ४८ लाख ८० हजार रुपयांचा मुद्देमाल पोलिसांनी ताब्यात घेतला आहे. या प्रकरणी सहा जणांविरुद्ध प्राण्यांना निर्दयतेने वागणूक देण्यास प्रतिबंध करणारा कायदा तसेच महाराष्ट्र पोलीस कायद्यान्वये गुन्हा दाखल करण्यात आला आहे.

Cruel transport

देऊळगावमही-खैरव मार्गावर मध्यरात्री पोलिसांची कारवाई; सहा आरोपींविरुद्ध गुन्हा दाखल

गजानन तिडके 

देऊळगाव राजा : गोवंशीय जनावरांची निर्दयतेने वाहतूक करणाऱ्यांविरुद्ध देऊळगाव राजा पोलिसांनी कारवाई केली आहे. देऊळगावमही ते खैरव मार्गावर मध्यरात्री केलेल्या कारवाईत तब्बल ४४ गोवंशीय जनावरे आणि वाहतुकीसाठी वापरण्यात येणारी सहा वाहने असा एकूण ४८ लाख ८० हजार रुपयांचा मुद्देमाल पोलिसांनी ताब्यात घेतला आहे. या प्रकरणी सहा जणांविरुद्ध प्राण्यांना निर्दयतेने वागणूक देण्यास प्रतिबंध करणारा कायदा तसेच महाराष्ट्र पोलीस कायद्यान्वये गुन्हा दाखल करण्यात आला आहे.

वाहनांमध्ये जनावरांची दाटीवाटीने कोंबून वाहतूक

पोलीस सूत्रांकडून मिळालेल्या माहितीनुसार, १९ नोव्हेंबर २०२६ रोजी मध्यरात्री २.१५ वाजताच्या सुमारास देऊळगावमही ते खैरव मार्गावर काही वाहनांमधून गोवंशीय जनावरांची वाहतूक केली जात असल्याचे निदर्शनास आले. यावेळी संबंधित वाहनांमध्ये एकूण ४४ गोवंशीय जनावरे निर्दयतेने दाटीवाटीने कोंबून वाहतूक केली जात असल्याचे आढळून आले.

वाहतुकीदरम्यान जनावरांना कोणत्याही प्रकारचा चारा-पाणी न देता उपाशी ठेवण्यात आले होते. तसेच जनावरांची वाहतूक करण्यासाठी आवश्यक परवाना नसतानाही ही वाहतूक केली जात असल्याचे पोलिसांच्या फिर्यादीत नमूद करण्यात आले आहे. जनावरांना वाहनांमध्ये कोंबून त्यांची गैरसोय व हालअपेष्टा होत असल्याचा प्रकार समोर आल्यानंतर पोलिसांनी कारवाई केली.

४४ जनावरे आणि सहा वाहने असा ४८.८० लाखांचा मुद्देमाल

या कारवाईत पोलिसांनी ४४ गोवंशीय जनावरे ताब्यात घेतली असून, त्यांची अंदाजित किंमत ८ लाख ८० हजार रुपये आहे. तसेच जनावरांच्या वाहतुकीसाठी वापरण्यात आलेल्या सहा वाहनांची किंमत ४० लाख रुपये असल्याचे नमूद करण्यात आले आहे. अशा प्रकारे जनावरे आणि वाहनांसह एकूण ४८ लाख ८० हजार रुपयांचा मुद्देमाल पोलिसांनी ताब्यात घेतला आहे.

सहा आरोपींविरुद्ध गुन्हा दाखल

या प्रकरणी पोलिसांनी   शेख शब्बीर शेख शौकत (वय २८, रा. देऊळगावमही), अब्दुल रहेमान शेख नजीर (वय २५, रा. देऊळगावमही),  शेख नूर महमंद शेख करीम (वय ५१, रा. देऊळगावमही), भास्कर मुरलीधर उगलमुगले (वय ४३, रा. देऊळगावमही),   निखील रमेश पांडे (वय ३५, रा. संजयनगर, देऊळगाव राजा) , शेख शाहरुख शेख फारुख (वय २७, रा. करीमनगर, देऊळगाव राजा) यांच्याविरुध्द गुन्हा दाखल केला आहे.

या प्रकरणी पोलीस कॉन्स्टेबल प्रविण मदन डोईफोडे यांनी सरकारतर्फे फिर्याद दिली. त्यावरून देऊळगाव राजा पोलीस ठाण्यात कायम गुन्हा क्रमांक ५२३/२०२६ अन्वये प्राण्यांना निर्दयतेने वागणूक देण्यास प्रतिबंध करणारा अधिनियम १९६० च्या कलम ११(१)(ड), (इ), (फ), (ह) तसेच महाराष्ट्र पोलीस कायद्याच्या कलम ११९ नुसार गुन्हा दाखल करण्यात आला आहे.पुढील तपास पोलीस निरीक्षक ब्रम्हागिरी यांच्या मार्गदर्शनाखाली पोलीस उपनिरीक्षक राजकुमार मोहोळकर यांच्याकडे सोपविण्यात आला आहे. पोलीस हेड कॉन्स्टेबल ज्ञानोबा चमकुरे यांनी गुन्हा दाखल करण्याची प्रक्रिया पूर्ण केली. गोवंशीय जनावरांची अशा प्रकारे निर्दयी वाहतूक होत असल्याचा प्रकार उघडकीस आल्याने परिसरात चर्चा सुरू झाली आहे..

Leave a Comment

Your email address will not be published. Required fields are marked *

error: Content is protected !!
Scroll to Top