demolish :जेसीबीने गाड्या तोडू नका, पर्यायी जागा द्या’; अकोल्यातील हातगाडी व्यावसायिकांची खासदारांकडे मागणी  

demolish :अकोला शहरातील गौरक्षण रोडसह विविध भागांत पाणीपुरी, नारळपाणी, चहा, भाजीपाला, चायनीज, पानटपरी, हार-फुले तसेच फास्ट फूडचा व्यवसाय करून कुटुंबाचा उदरनिर्वाह करणाऱ्या शेकडो हातगाडी व्यावसायिकांवर महापालिका कारवाईची टांगती तलवार आहे. महापालिकेने नोटीस बजावून जेसीबीच्या साहाय्याने हातगाड्या हटविण्याचा इशारा दिल्याने व्यावसायिकांमध्ये चिंतेचे वातावरण निर्माण झाले आहे.

  हातगाडीवरच संसाराचा गाडा; महापालिकेच्या कारवाईच्या धास्तीने व्यावसायिकांची खासदारांकडे धाव

अकोला : अकोला शहरातील गौरक्षण रोडसह विविध भागांत पाणीपुरी, नारळपाणी, चहा, भाजीपाला, चायनीज, पानटपरी, हार-फुले तसेच फास्ट फूडचा व्यवसाय करून कुटुंबाचा उदरनिर्वाह करणाऱ्या शेकडो हातगाडी व्यावसायिकांवर महापालिका कारवाईची टांगती तलवार आहे. महापालिकेने नोटीस बजावून जेसीबीच्या साहाय्याने हातगाड्या हटविण्याचा इशारा दिल्याने व्यावसायिकांमध्ये चिंतेचे वातावरण निर्माण झाले आहे.

या पार्श्वभूमीवर हातगाडी व्यावसायिकांनी खासदार अनुप धोत्रे यांची भेट घेऊन निवेदन साद केले. कारवाई करण्याऐवजी आपल्याला पर्यायी जागा उपलब्ध करून द्यावी आणि आपल्या कुटुंबाच्या उदरनिर्वाहाचे साधन वाचवावे, अशी मागणी त्यांनी खासदारांकडे केली.

निवेदनात व्यावसायिकांनी आपल्या व्यथा मांडताना म्हटले आहे की, “आमच्याकडे मोठी दुकाने नाहीत आणि दुसरे उत्पन्नाचे साधनही नाही. ही छोटीशी हातगाडीच आमच्या जगण्याचा एकमेव आधार आहे. आमची हातगाडी ही केवळ लोखंडाची गाडी नाही, तर त्यावर आमच्या मुलांचे शिक्षण, घरातील चूल आणि रोजची भाकरी अवलंबून आहे.”

महापालिकेच्या कारवाईमुळे हातगाड्या उद्ध्वस्त झाल्यास शेकडो कुटुंबांवर थेट उपासमारीची वेळ येऊ शकते, अशी भीती व्यावसायिकांनी व्यक्त केली. शहरातील वाहतूक व्यवस्था आणि सार्वजनिक जागांचा प्रश्न सोडविताना गरीब व्यावसायिकांचा रोजगारही अबाधित राहील, याचा विचार प्रशासनाने करावा, अशी मागणी त्यांनी केली.

‘कारवाई नको, पर्यायी जागा द्या’

महापालिकेने अतिक्रमण किंवा वाहतुकीच्या दृष्टीने अडथळा ठरणाऱ्या हातगाड्यांवर कारवाई करायची असल्यास संबंधित व्यावसायिकांना आधी पर्यायी जागा उपलब्ध करून द्यावी. अचानक जेसीबीच्या माध्यमातून हातगाड्या तोडून गरीब कुटुंबांचा रोजगार हिरावून घेऊ नये, अशी आर्त मागणी व्यावसायिकांनी केली आहे.

हातगाडी व्यवसायातून मिळणाऱ्या अल्प उत्पन्नावर कुटुंबाचा उदरनिर्वाह, मुलांचे शिक्षण आणि दैनंदिन खर्च भागविणाऱ्या या व्यावसायिकांच्या प्रश्नाकडे प्रशासनाने संवेदनशीलतेने पाहावे, अशी अपेक्षा निवेदनातून व्यक्त करण्यात आली आहे.