Deulgaon Raja Panchayat Samiti: राज्य शासनाच्या ग्रामविकास विभागाने अधिसूचनेनुसार “महाराष्ट्र जिल्हा परिषद व पंचायत समित्या (जागांच्या आरक्षणाची पद्धत व चक्रानुक्रम) नियम, १९६६” ऐवजी “महाराष्ट्र जिल्हा परिषद व पंचायत समित्या (जागांच्या आरक्षणाची पद्धत व चक्रानुक्रम) नियम, २०२५” हे सुधारित नियम जारी केले आहेत. त्यानुसार दे. राजा पंचायत समितीच्या गणांचे आरक्षण १३ ऑक्टाेबर राेजी जाहीर करण्यात आले.
देऊळगाव राजा : राज्य शासनाच्या ग्रामविकास विभागाने अधिसूचनेनुसार “महाराष्ट्र जिल्हा परिषद व पंचायत समित्या (जागांच्या आरक्षणाची पद्धत व चक्रानुक्रम) नियम, १९६६” ऐवजी “महाराष्ट्र जिल्हा परिषद व पंचायत समित्या (जागांच्या आरक्षणाची पद्धत व चक्रानुक्रम) नियम, २०२५” हे सुधारित नियम जारी केले आहेत. त्यानुसार दे. राजा पंचायत समितीच्या गणांचे आरक्षण १३ ऑक्टाेबर राेजी जाहीर करण्यात आले. यामध्ये पंचायत समिती सभापतीपद हे सर्वसाधारण महिलेसाठी राखीव निघाले आहे तर सहा गणांपैकी तीन गण महिलांसाठी राखीव झाले आहेत.
सुधारित नियमांनुसार, हे नियम लागू झाल्यानंतर होणारी आगामी निवडणूक ही आरक्षणाच्या दृष्टीने “पहिली निवडणूक” म्हणून ग्राह्य धरली जाणार आहे. त्यानुसार, देऊळगाव राजा तालुक्यातील पंचायत समिती गणांचे आरक्षण निश्चित करण्यासाठी तहसील कार्यालय, देऊळगाव राजा येथील निवडणूक हॉलमध्ये दिनांक १३ ऑक्टोबर २०२५ रोजी सभा घेण्यात आली.
या आरक्षण सभेवेळी प्रा. संजय खडसे (उपविभागीय अधिकारी, सिंदखेडराजा तथा नियंत्रण अधिकारी), वैशाली डोंगरजाळ (तहसीलदार, देऊळगाव राजा तथा अध्यासी अधिकारी) उपस्थित होत्या. तसेच नायब तहसीलदार सायली जाधव, इतर सर्व नायब तहसीलदार व प्रतिष्ठित नागरिक या सभेस उपस्थित होते.या सभेत देऊळगाव राजा पंचायत समितीतील ६ गणांचे आरक्षण जाहीर करण्यात आले.
पंचायत समिती गण आरक्षण
देऊळगाव मही – सर्वसाधारण
अंढेरा – सर्वसाधारण
दिग्रस बु. – सर्वसाधारण (महिला)
शिनगाव जहांगीर – सर्वसाधारण
सावखेड भोई – अनुसूचित जाती (महिला)
जवळखेड – नागरीक मागासवर्गीय प्रवर्ग (महिला)
