LCB’s crackdown: रेतीची अवैध वाहतूक करणारे टीप्पर स्थानिक गुन्हे शाखेच्या पथकाने अंढेरा पोलीस स्टेशनया हद्दीत १३ नोव्हेंबर रोजी पकडले.पथकाने ४ ब्रास रेतीसह ३५ लाख ४० हजार रुपयांचा मुद्देमाल जप्त केला.
अंढेरा : रेतीची अवैध वाहतूक करणारे टीप्पर स्थानिक गुन्हे शाखेच्या पथकाने अंढेरा पोलीस स्टेशनया हद्दीत १३ नोव्हेंबर रोजी पकडले.पथकाने ४ ब्रास रेतीसह ३५ लाख ४० हजार रुपयांचा मुद्देमाल जप्त केला.
ही कारवाई पोलीस अधीक्षक निलेश तांबे, अपर पोलीस अधीक्षक (बुलढाणा) अमोल गायकवाड, आणि अपर पोलीस अधीक्षक (खामगाव) श्रेणिक लोढा यांच्या मार्गदर्शनाखाली, तर पोलीस निरीक्षक सुनील अंबुलकर यांच्या आदेशानुसार करण्यात आली.
अंढेरा पोलिस ठाण्याच्या हद्दीत पेट्रोलिंग दरम्यान, खबऱ्यांच्या माहितीवरून नाकाबंदी करण्यात आली. त्यावेळी दिग्रस शिवारात पांढऱ्या रंगाचा टिप्पर येताना दिसला. त्याची पंचासमक्ष तपासणी केली असता, सदर वाहनात सुमारे ४ ब्रास अवैध रेती आढळून आली. चालकाकडे रेती वाहतुकीचा कोणताही परवाना नसल्याने टिप्पर (किंमत ₹३५ लाख) आणि रेती (किंमत ₹४० हजार) असा एकूण ₹३५.४० लाखांचा मुद्देमाल जप्त करण्यात आला.
या प्रकरणी टिप्पर चालकावर कलम ३०३(२) बीएनएस सह कलम २१(१), २१(२) गौण खनिज अधिनियम अंतर्गत गुन्हा दाखल करण्यात आला आहे.तसेच आरोपी चालकास अटक करण्यात आली. फिर्यादी म्हणून हेड कॉन्स्टेबल दिगंबर कपाटे (स्थानिक गुन्हे शाखा, बुलढाणा) यांनी तक्रार दाखल केली. कारवाईत पीएसआय अविनाश जायभाये, हे.कॉ. जगदेव टेकाळे, हे.कॉ. दिगंबर कपाटे, पो.ना. अनंता फरतळे, आणि पो.कॉ. दीपक वायाळ यांनी सहभाग घेतला.
