Encroachments : मेहकर–घाटबोरी रस्त्यावर असलेल्या अंजनी बु. ग्रामपंचायत परिसरात सध्या रस्त्यालगत अतिक्रमण वाढल्याने वाहनचालकांना मोठ्या अडचणींना सामोरे जावे लागत आहे. अतिक्रमणामुळे अनेक वाहनचालक रस्त्यावरच वाहने उभी करत असल्याने वारंवार वाहतूक कोंडी होत असून वाहनधारक त्रस्त झाले आहेत.
डोणगाव : मेहकर–घाटबोरी रस्त्यावर असलेल्या अंजनी बु. ग्रामपंचायत परिसरात सध्या रस्त्यालगत अतिक्रमण वाढल्याने वाहनचालकांना मोठ्या अडचणींना सामोरे जावे लागत आहे. अतिक्रमणामुळे अनेक वाहनचालक रस्त्यावरच वाहने उभी करत असल्याने वारंवार वाहतूक कोंडी होत असून वाहनधारक त्रस्त झाले आहेत.
मेहकर येथून अंजनी बु. मार्गे घाटबोरीकडे जाण्यासाठी हा प्रमुख रस्ता असून, अंजनी बु. फाट्यापासून गावापर्यंत नव्याने सिमेंट रस्त्याचे काम करण्यात आले आहे. मात्र, रस्त्यालगत झालेल्या अतिक्रमणामुळे हा रस्ता पुन्हा जैसे थे अवस्थेत गेला आहे.
या मार्गावरून घाटबोरी व लोणीगवळी येथे जाण्यासाठी दररोज शेकडो वाहने ये-जा करतात. परंतु ग्रामपंचायत परिसरात रस्त्यावरच दुकाने थाटली जात असल्याने नागरिक आपली वाहने रस्त्यावर उभी करतात. परिणामी अनेकदा वाहतूक कोंडी निर्माण होत आहे.
या पार्श्वभूमीवर संबंधित विभागाने तातडीने रस्त्यालगतचे अतिक्रमण हटवून रस्ता मोकळा करावा, अशी मागणी वाहनधारकांकडून होत आहे.
