A speeding car : जाफ्राबाद चौफुलीजवळ भरधाव व निष्काळजीपणे चालविलेल्या चारचाकी वाहनाने दुचाकीला धडक दिल्याची घटना ४ फेब्रुवारी २०२६ रोजी दुपारी ११.३० वाजण्याच्या सुमारास घडली. या अपघातात दुचाकीवरील वृद्ध दाम्पत्य जखमी झाले असून देऊळगाव राजा पोलिस ठाण्यात गुन्हा दाखल करण्यात आला आहे.
देऊळगाव राजा :जाफ्राबाद चौफुलीजवळ भरधाव व निष्काळजीपणे चालविलेल्या चारचाकी वाहनाने दुचाकीला धडक दिल्याची घटना ४ फेब्रुवारी २०२६ रोजी दुपारी ११.३० वाजण्याच्या सुमारास घडली. या अपघातात दुचाकीवरील वृद्ध दाम्पत्य जखमी झाले असून देऊळगाव राजा पोलिस ठाण्यात गुन्हा दाखल करण्यात आला आहे.
याबाबत दरसिंग जानुबा बनकर (वय ७५, व्यवसाय शेती, रा. बुटखेडा, ता. जाफ्राबाद, जि. जालना) यांनी फिर्याद दिली आहे. ते आपल्या पत्नी सौ. सखुबाई बनकर यांना बजाज प्लॅटिना (क्र. एमएच-२१ एफ-५०७६) या मोटारसायकलवरून उपचारासाठी देऊळगाव राजा येथे घेऊन जात असताना, चिखलीकडून येणाऱ्या पांढऱ्या रंगाच्या चारचाकी वाहनाने (क्र. एमएच-२८ एझेड-१८७२) भरधाव वेगात व निष्काळजीपणे दुचाकीला जोरदार धडक दिली. या अपघातात दोघेही जखमी झाले. या प्रकरणी देऊळगाव राजा पोलिस ठाण्यात चालकाविरुध्द भारतीय न्याय संहिता (BNS) कलम २८१ व १२५(अ) अंतर्गत गुन्हा नोंदविण्यात आला आहे. पुढील तपास सहाय्यक पोलीस उपनिरीक्षक नारायण गीते करीत आहेत.
