Gold medal : डॉ. पंजाबराव देशमुख कृषी विद्यापीठाच्या एनसीसी उप-युनिटमधील लान्स कॉर्पोरल अखिलेश बोथे याने पुन्हा एकदा आपली गुणवत्ता सिद्ध केली आहे. श्रीमती सुमित्राबाई अंधारे कृषी महाविद्यालय, शिरला येथील कॅडेट अखिलेश बोथे याने दिल्ली येथे नुकत्याच पार पडलेल्या अखिल भारतीय थल सैनिक शिबिर 2025 मध्ये सुवर्णपदक पटकावले.
अखिल भारतीय थल सैनिक शिबिरात अखिलेश बाेथेने पटकावला अव्वल क्रमांक
पातूर : डॉ. पंजाबराव देशमुख कृषी विद्यापीठाच्या एनसीसी उप-युनिटमधील लान्स कॉर्पोरल अखिलेश बोथे याने पुन्हा एकदा आपली गुणवत्ता सिद्ध केली आहे. श्रीमती सुमित्राबाई अंधारे कृषी महाविद्यालय, शिरला येथील कॅडेट अखिलेश बोथे याने दिल्ली येथे नुकत्याच पार पडलेल्या अखिल भारतीय थल सैनिक शिबिर 2025 मध्ये सुवर्णपदक पटकावले.
या शिबिरात देशभरातील विविध राज्यांतील निवडक कॅडेट्सनी सहभाग नोंदवला होता. त्यात अखिलेशने जेडीएफएस आंतर-संचालनालय चॅम्पियनशिपमध्ये उत्कृष्ट कामगिरी करत सुवर्णपदक जिंकले. या कठीण स्पर्धेत कॅडेट्सच्या शारीरिक क्षमता, मानसिक धैर्य आणि लष्करी कौशल्यांची कसून परीक्षा घेतली जाते.
अखिलेशच्या या यशामुळे महाविद्यालयासह संपूर्ण विद्यापीठाचा गौरव झाला आहे. त्याच्या या कामगिरीबद्दल महाविद्यालयाचे प्राचार्य, एनसीसी अधिकारी, प्राध्यापक आणि सहकाऱ्यांनी त्याचे अभिनंदन केले असून, ही कामगिरी इतर तरुण कॅडेट्ससाठी प्रेरणादायी ठरेल, असे मत व्यक्त करण्यात आले.
