Tulsabai Kaval School :तुळसाबाई कावल माध्यमिक व उच्च माध्यमिक विद्यालय, पातुर येथे मागील सत्र (२०२४-२५) मध्ये इंडियन टॅलेंट ओलंपियाड परीक्षेचे आयोजन करण्यात आले होते. नुकत्याच जाहीर झालेल्या निकालात शाळेला उत्कृष्ट यश मिळत गोल्ड मेडल प्राप्त झाले आहे.
पातुर : तुळसाबाई कावल माध्यमिक व उच्च माध्यमिक विद्यालय, पातुर येथे मागील सत्र (२०२४-२५) मध्ये इंडियन टॅलेंट ओलंपियाड परीक्षेचे आयोजन करण्यात आले होते. नुकत्याच जाहीर झालेल्या निकालात शाळेला उत्कृष्ट यश मिळत गोल्ड मेडल प्राप्त झाले आहे.
या परीक्षेत इंग्रजी, गणित आणि विज्ञान या विषयांचा समावेश होता. विद्यालयातील एकूण २५३ विद्यार्थ्यांनी परीक्षा दिली. त्यामध्ये आयुषी दीपक पाठक हिने इंग्रजी, गणित व विज्ञान या तिन्ही विषयांत क्लास टॉपर ठरत गोल्ड मेडल, सन्मानचिन्ह तसेच रु. १२०० चा धनादेश मिळवला. याशिवाय सई संदीप तेजनकर, गौरी विनोद बगळेकर, मैथिली विशाल वाडी, आदित्य वसंता गवळी, गौरव विलास वडकुटे आणि अर्जुन राजेश वानखडे या विद्यार्थ्यांनीही प्रत्येकी विषयात गोल्ड, सिल्वर आणि ब्रॉन्झ मेडल पटकावले.
विद्यालयाच्या या उत्कृष्ट यशासाठी इंडियन टॅलेंट ओलंपियाडतर्फे शाळेला गोल्ड मेडल बहाल करण्यात आले. तसेच इंग्रजी विषयाच्या ए.आर. बैस मॅडम, गणिताचे कुणाल विंचुरकर सर व विज्ञान विषयाच्या एस.एस. अंधारे मॅडम यांना त्यांच्या उत्कृष्ट मार्गदर्शनाबद्दल ट्रॉफी आणि सन्मानचिन्ह देऊन गौरविण्यात आले.
विद्यार्थ्यांच्या यशाबद्दल बेरार एज्युकेशन सोसायटी पातुरचे व्यवस्थापक विजयसिंह गहिलोत, सचिव स्नेह प्रभादेवी गहिलोत, प्राचार्य अंशुमानसिंह गहिलोत, उपप्राचार्य एस.बी. चव्हाण, उपमुख्याध्यापिका आर.एस. ढेंगे, पर्यवेक्षिका पी.एम. कारस्कर व पर्यवेक्षक एस.आर. मुखाडे सर यांनी अभिनंदन केले. विद्यार्थ्यांना विशेष मार्गदर्शन ए.आर. बैस, एस.एस. अंधारे आणि कुणाल विंचुरकर सर यांचे लाभले.
