Deulgaon Raja High School: जिल्हा क्रीडा संकुल, बुलढाणा येथे नुकत्याच संपन्न झालेल्या जिल्हास्तरीय शालेय क्रीडा स्पर्धेत देऊळगाव राजा हायस्कूल व कनिष्ठ महाविद्यालयाच्या विद्यार्थ्यांनी उल्लेखनीय कामगिरी करत विभागीय स्तरावर स्थान मिळवले आहे.

देऊळगाव राजा : जिल्हा क्रीडा संकुल, बुलढाणा येथे नुकत्याच संपन्न झालेल्या जिल्हास्तरीय शालेय क्रीडा स्पर्धेत देऊळगाव राजा हायस्कूल व कनिष्ठ महाविद्यालयाच्या विद्यार्थ्यांनी उल्लेखनीय कामगिरी करत विभागीय स्तरावर स्थान मिळवले आहे.
या स्पर्धेत शाळेच्या खेळाडूंनी विविध क्रीडा प्रकारांत चमकदार कामगिरी केली. मुलींच्या गटात — रितिका गजानन नागरे (१७ वर्षे वयोगट) — थाळीफेक स्पर्धेत द्वितीय क्रमांक, सृष्टी प्रभाकर डोईफोडे (१९ वर्षे वयोगट) — गोळाफेक व थाळीफेक या दोन्ही प्रकारांत प्रथम क्रमांक मिळवत आपली प्रतिभा दाखवली. मुलांच्या गटात — कुणाल गोविंद पवार (१७ वर्षे वयोगट) — थाळीफेक स्पर्धेत प्रथम क्रमांक, नैतिक सुरेश ठुमके (१७ वर्षे वयोगट) — तिहेरी उडी स्पर्धेत प्रथम क्रमांक, जयवर्धन संजय सोळंके (१९ वर्षे वयोगट) — थाळीफेक स्पर्धेत प्रथम क्रमांक मिळवत शाळेचा झेंडा उंचावला. या सर्व यशस्वी खेळाडूंचा आणि त्यांच्या पालकांचा शाळेत प्राचार्य रंगनाथ कोल्हे, उपप्राचार्य श्री. बंड, व पर्यवेक्षक श्री. जाधव यांच्या हस्ते पुष्पगुच्छ देऊन सत्कार करण्यात आला. यावेळी सर्व विद्यार्थ्यांना विभागीय स्तरावरील स्पर्धांसाठी शुभेच्छा देण्यात आल्या.

