Bhim Jayanti! :शहरातील बौद्ध बांधवांच्या वतीने विविध सामाजिक संघटनांनी भीम जयंती निमित्त विविध उपक्रम राबविले. यामध्ये गौतम नगर वार्ड क्रमांक ११ मधील बुद्ध विहारात घेण्यात आलेल्या उपक्रमांमध्ये विद्यार्थ्यांसाठी डॉ. बाबासाहेब आंबेडकर यांच्या जीवनावर आधारित भाषण व प्रश्नमंजुषा स्पर्धेचे आयोजन करण्यात आले होते.
बार्शीटाकळी :– शहरातील बौद्ध बांधवांच्या वतीने विविध सामाजिक संघटनांनी भीम जयंती निमित्त विविध उपक्रम राबविले. यामध्ये गौतम नगर वार्ड क्रमांक ११ मधील बुद्ध विहारात घेण्यात आलेल्या उपक्रमांमध्ये विद्यार्थ्यांसाठी डॉ. बाबासाहेब आंबेडकर यांच्या जीवनावर आधारित भाषण व प्रश्नमंजुषा स्पर्धेचे आयोजन करण्यात आले होते. या स्पर्धेत ४७ विद्यार्थ्यांनी सहभाग घेतला. विजेत्या स्पर्धकांना स्टडी टेबल व सहभागी स्पर्धकांना शालेय साहित्य वाटप करण्यात आले. हा उपक्रम नगरसेविका आम्रपाली नागसेन इंगोले ,भीम क्रांती व्यायामशाळा व विशाखा महिला उपासिका संघ यांच्या वतीने राबविण्यात आला. शहरातील पंचायत समिती परिसरात असलेल्या भिमवाटिकेत करूणाई बहुउद्देशीय शिक्षण संस्था बार्शीटाकळीच्या वतीने द्वारा आयोजित समता पर्व या भीम गीत गायनाचा कार्यक्रम आयोजित केला होता. या कार्यक्रमात प्रसिद्ध गायिका विधीज्ञ नीलू सराटे व रंजीताताई जवंजाळ यांनी भीम गीत गायनाच्या माध्यमातून प्रबोधन केले. विशेष म्हणजे बाबासाहेबांना संगीतमय मानवंदना देण्यासाठी निलू सराटे यांच्या संकल्पनेतून या उपक्रमाचे आयोजन केले होते.
