Police parade : आगामी सणांच्या पार्श्वभूमीवर कायदा व सुव्यवस्था अबाधित राखण्यासाठी डोणगाव येथे पोलीस प्रशासनाकडून पथसंचलन आणि शांतता समितीची बैठक आयोजित करण्यात आली.
डोणगाव : आगामी सणांच्या पार्श्वभूमीवर कायदा व सुव्यवस्था अबाधित राखण्यासाठी डोणगाव येथे पोलीस प्रशासनाकडून पथसंचलन आणि शांतता समितीची बैठक आयोजित करण्यात आली.
१८ फेब्रुवारी रोजी सायंकाळी ५ वाजता ठाणेदार अमरनाथ नागरे यांच्या नेतृत्वाखाली पोलीस कर्मचारी, दंगाकाबू पथक व होमगार्ड यांच्या सहभागाने संपूर्ण गावातून पथसंचलन काढण्यात आले. यानंतर पोलीस ठाण्यात शांतता समिती, शिवजयंती उत्सव समिती तसेच मुस्लिम बांधवांची संयुक्त बैठक घेण्यात आली.
आगामी शिवजयंती, रमजान, होळी व धुलीवंदन हे सण जातीय सलोखा जपत शांततेत साजरे करण्यासाठी सर्वांनी सहकार्य करावे, असे आवाहन ठाणेदार नागरे यांनी केले. बैठकीस शांतता समिती व विविध उत्सव समित्यांचे सदस्य उपस्थित होते.
