Journalist Rajendra Suradkar : नियंत्रण सुटलेल्या भरधाव कार रस्त्यालगतच्या झाडावर आदळल्याने झालेल्या भीषण अपघातात चिखली येथील पत्रकार राजेंद्र सुरडकर (वय ३७, रा. बेराळा, ह.मु. चिखली) यांचा मृत्यू झाला. ही दुर्दैवी घटना १५ फेब्रुवारीच्या सकाळी चिखली–देऊळगाव राजा महामार्गावरील मेरा चौकी ते असोळा दरम्यान घडली.
चिखली : नियंत्रण सुटलेल्या भरधाव कार रस्त्यालगतच्या झाडावर आदळल्याने झालेल्या भीषण अपघातात चिखली येथील पत्रकार राजेंद्र सुरडकर (वय ३७, रा. बेराळा, ह.मु. चिखली) यांचा मृत्यू झाला. ही दुर्दैवी घटना १५ फेब्रुवारीच्या सकाळी चिखली–देऊळगाव राजा महामार्गावरील मेरा चौकी ते असोळा दरम्यान घडली.
मिळालेल्या माहितीनुसार, सुरडकर हे तीन मित्रांसह स्विफ्ट डिझायर कारमधून प्रवास करत होते. दरम्यान, वाहनावरील नियंत्रण सुटल्याने भरधाव वेगातील कार रस्त्याच्या कडेला असलेल्या झाडावर जाऊन जोरात धडकली. या अपघातात सुरडकर यांना गंभीर दुखापत झाली, तर कारमधील इतर तिघेजण किरकोळ जखमी झाले. अपघातानंतर सुरडकर यांना तातडीने चिखली येथील रुग्णालयात दाखल करण्यात आले; मात्र उपचारापूर्वीच डॉक्टरांनी त्यांना मृत घोषित केले. या दुर्दैवी घटनेमुळे परिसरात हळहळ व्यक्त केली जात आहे.
