Action taken against : बारावीच्या सार्वजनिक परीक्षेला आज, १० फेब्रुवारीपासून सुरुवात झाली असून पहिल्याच दिवशी मेहकर तालुक्यात तहसीलदारांच्या भरारी पथकाने विविध परीक्षा केंद्रांवर अचानक भेटी देत कारवाई केली. या धडक तपासणीमुळे परीक्षा केंद्रांमध्ये शिस्तीचे वातावरण निर्माण झाले आहे.
मेहकर तहसीलदारांच्या भरारी पथकाची धडक मोहिम
मेहकर : बारावीच्या सार्वजनिक परीक्षेला आज, १० फेब्रुवारीपासून सुरुवात झाली असून पहिल्याच दिवशी मेहकर तालुक्यात तहसीलदारांच्या भरारी पथकाने विविध परीक्षा केंद्रांवर अचानक भेटी देत कारवाई केली. या धडक तपासणीमुळे परीक्षा केंद्रांमध्ये शिस्तीचे वातावरण निर्माण झाले आहे.
तहसीलदार निलेश मडके यांच्या मार्गदर्शनाखाली भरारी पथकाने जिजामाता हायस्कूल, हिवरा खुर्द; आप्पा पाटील विद्यालय, नायगाव दत्तापूर; सरस्वती विद्यालय, जानेफळ; तसेच श्री शिवाजी हायस्कूल, मेहकर या चार शाळांना भेटी दिल्या. यापैकी जिजामाता हायस्कूल, हिवरा खुर्द येथे गैरप्रकार आढळून आल्याने एका विद्यार्थ्यावर निलंबनाची कारवाई करण्यात आली.
या भरारी पथकात महसूल सहायक प्रवीण परमाळे, अश्विन ठाकरे, बंडू गोरे, महसूल सेवक मंगेश देशमुख, दीपक अवचार तसेच शिपाई यांचा समावेश होता. पहिल्याच दिवशी झालेल्या या कारवाईमुळे तालुक्यातील सर्व परीक्षा केंद्रप्रमुखांमध्ये सतर्कतेचे वातावरण निर्माण झाले असून प्रत्येक पेपरदरम्यान अशाच प्रकारच्या तपासण्या सुरू राहतील, असे निर्देश तहसीलदारांकडून देण्यात आले आहेत.
